តើរឿងរ៉ាវ នៃការបរិច្ចាគឈាម កើតឡើងដូចម្តេចខ្លះ?

2017-06-14 09:39:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ១៤៩២៖ ការប៉ុនប៉ងផ្ទេរឈាម លើកដំបូងបំផុតក្នុងប្រវត្តិសាស្រ្ត

ឈាមរបស់ក្មេងប្រុសអាយុ ១០ឆ្នាំម្នាក់ ត្រូវបានផ្ទេរទៅឱ្យស្តេច Pope Innocent VIII ដោយប៉ុនប៉ងបញ្ចូលឈាមតាមមាត់ ក្នុងពេលដែលស្តេចអ៊ីតាលីអង្គនោះ ស្ថិតក្នុងស្ថានភាពភ្លឹក។ ទោះជាយ៉ាងណា ស្តេច Pope និងក្មេងប្រុស បានសុគត និងស្លាប់។

ឆ្នាំ ១៦៦៧៖ ផ្ទេរឈាម ពីសត្វ មកមនុស្ស

គ្រូពេទ្យរបស់ស្តេច Louis XIV នៃប្រទេសបារាំង បានបញ្ចូលឈាមសត្វចៀម១ក្បាល ចូលក្នុងខ្លួនក្មេងប្រុសអាយុ១៥ឆ្នាំម្នាក់ ហើយក្មេងប្រុសគឺបន្តមានជីវិត។

ឆ្នាំ ១៨១៨៖ ផ្ទេរឈាមពីមនុស្ស ទៅមនុស្ស

ចិត្តវិទូអង់គ្លេស លោក James Blundell បានចាក់បញ្ចូលឈាម ដែលមានទម្ងន់ជិត ៤០០ក្រាម របស់អ្នកបរិច្ចាគជាច្រើននាក់ ចូលទៅក្នុងខ្លួនអ្នកជំងឺម្នាក់។ ប៉ុន្តែក្រោយមក អ្នកជំងឺនោះ បានស្លាប់។

ឆ្នាំ ១៩០១៖ ក្រុមឈាមធំៗ ៣ប្រភេទ ត្រូវបានរកឃើញ

អ្នកវិទ្យាសាស្រ្ត បានរកឃើញក្រុមឈាមរបស់មនុស្សដែលមានប្រភេទ A, B និង C (ក្រោយមកប្តូរទៅជាប្រភេទ O)។

ឆ្នាំ ១៩០២៖ ក្រុមឈាមទី៤ ត្រូវបានរកឃើញ គឺប្រភេទ AB។
ឆ្នាំ ១៩១៤៖ ការផ្ទេរឈាម មិនផ្ទាល់ លើកដំបូង

កាលពីដំបូង ការផ្ទេរឈាមពីអ្នកបរិច្ចាគ ទៅកាន់អ្នកទទួល ត្រូវធ្វើឡើងមុនពេលឈាមកក។ ក្រោយមកអ្នកស្រាវជ្រាវបានរកឃើញវិធីទប់ស្កាត់ មិនឱ្យឈាមកក និងអាចរក្សាទុកបានច្រើនថ្ងៃ មុនពេលបញ្ចូលទៅឱ្យអ្នកទទួល។

ឆ្នាំ ១៩១៧៖ មានកន្លែងផ្ទុកឈាម ជាលើកដំបូង

គ្រូពេទ្យកងទ័ព បានប្រមូល និងរក្សាទុកឈាមប្រភេទ O ដើម្បីត្រៀមផ្តល់ឱ្យកងទ័ពនៅសមរភូមិ Cambrai នៃប្រទេសអង់គ្លេស ក្នុងអំឡុងសង្គ្រាមលោកលើកទី១។

ឆ្នាំ ១៩៤៨៖ មានការបង្កើតប្លោកឈាម ដើម្បីប្រមូលឈាម។
ឆ្នាំ ១៩៦២៖ មជ្ឈមណ្ឌលផ្តល់ឈាមរបស់អាមេរិក ត្រូវបានបង្កើតឡើង។

បច្ចុប្បន្ន ការបរិច្ចាគឈាម មានអត្ថប្រយោជន៍ជាច្រើនដូចជា ដឹងពីសុខភាពថាតើអ្នកបរិច្ចាគ មានផ្ទុក មេរោគរលាកថ្លើម B និង C កាមរោគ និងជំងឺអេដស៍ឬយ៉ាងណា។

ម្យ៉ាងពួកគេនឹងរួមចំណែកសំខាន់ក្នុងការជួយជីវិតមនុស្ស ធ្វើអំពើមនុស្សធម៌ និងជាពលរដ្ឋម្នាក់ដែលឆ្លើយតបទៅនឹងសង្គមយ៉ាងពិតប្រាកដ។

ចំណុចពិសេសមួយទៀតនោះ នៅពេលបងប្អូនសាច់ញាតិមានគ្រោះថ្នាក់ ឬមានជំងឺ ដែលត្រូវការឈាមបន្ទាន់ អ្នកផ្ដល់ឈាមអាចបង្ហាញសៀវភៅ ឬប័ណ្ណបញ្ជាក់ពីការផ្ដល់ឈាមរបស់ខ្លួន ដល់មជ្ឈមណ្ឌលជាតិផ្ដល់ឈាម នោះពួកគេនឹងទទួលបានឈាមស្វ័យប្រវត្តិ ដោយមិនបាច់បរិច្ចាគទៀតក៏បាន (ប័ណ្ណមួយបានមួយប្លោក)។ នេះបើតាមការលើកឡើងរបស់ លោក អ៊ួរ សុខលាង មន្ត្រីអប់រំផ្សព្វផ្សាយរកអ្នកបរិច្ចាគឈាម មជ្ឈមណ្ឌលជាតិផ្ដល់ឈាម នៃក្រសួងសុខាភិបាល កាលពីឆ្នាំ២០១៥៕

ប្រភព ៖ KleyKley

ពាក្យទាក់ទង

យល់ដឹង

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

អត្ថបទថ្មី

មិត្តហ្វូន បរិច្ចាគ ១២០,០០០ ដុល្លារ ដល់កាកបាទក្រហមកម្ពុជា

សង្វៀនបាយ័នជាកន្លែងផ្ដល់ឱកាស និងបណ្ដុះធនធាន ខណៈកម្មវិធីខ្សែក្រវាត់ខារ៉ាបាវឈានដល់រដូវកាលទី១១

ធនាគារ វីង បើកដំណើរទីតាំងទី ២២ របស់ខ្លួនក្នុងខេត្តតាកែវ

ផ្លូវជាតិលេខ៣១ បែកគុស-កំពង់ត្រាច នឹងសង់រួច១ឆ្នាំមុនកិច្ចសន្យា ក្នុងនោះការងារនឹងបញ្ចប់ត្រឹមដំណាច់ខែមិថុនាខាងមុខ

រីសត Summer Bay Beach Club & Cabins ផ្ដល់ជូននូវពិធីមង្គលការលក្ខណៈពិសេសតាមមាត់ឆ្នេរដ៏រ៉ូមែនទិកបំផុតនៅក្នុងប្រទេសកម្ពុជា

ត្រូវប៉ាន់ខ្លាំង ផ្អែកលើហេតុផលទាំងនេះ យូមិ ត្រូវបានផលលិតករប្រគល់តួនាទីធំក្នុងរឿងថ្មី