ទីបំផុត Barcelona ទិញបានកីឡាករដំបូង ក្នុងរដូវក្ដៅនេះ

2017-06-16 04:00:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបយក្ស Barcelona សម្រេចទិញបានកីឡាករដំបូងក្នុងទីផ្សារដោះដូររដូវក្ដៅនេះ ដោយបាននាំខ្សែការពារវ័យក្មេង Marlon Santos ពីក្លឹប Fluminense របស់ប្រេស៊ីល។

កីឡាករប្រេស៊ីលវ័យ២១ឆ្នាំ Marlon យល់ព្រមចុះកិច្ចសន្យារយៈពេល៣ឆ្នាំជាមួយ Barca ហើយនឹងចូលរួមជាមួយឈុតធំប្រកួតលក្ខណៈទេសចរណ៍នៅអាមេរិក ក្រោមការដឹកនាំរបស់អ្នកចាត់ការថ្មីលោក Ernesto Valverde។ ព័ត៌មានពីក្លឹបទាំងពីរ Barcelona និង Fluminense បញ្ជាក់ថា Marlon គ្មានតម្លៃខ្លួនទេ តែ ESPN FC ធ្លាប់បានរាយការណ៍ថា កីឡាកររូបនេះមានតម្លៃខ្លួន៦លានអឺរ៉ូ។

តាមពិតទៅ Marlon មិនមែនទើបតែមកលេងនៅទឹកដីប្រទេសអេស្ប៉ាញទេ Barcelona បានខ្ចីគេពី Fluminense មកលេងនៅឈុត B តាំងពីខែ កក្កដា ឆ្នាំមុនមកម្ល៉េះ។ កាលពីឆ្នាំមុន ខ្សែការពាររូបនេះបង្ហាញខ្លួន២៤ប្រកួតក្នុងឈុត B របស់ Barcelona ហើយត្រូវបានលោក Luis Enrique ហៅលេងឈុតធំម្ដងក្នុងពាន Champions League ពេលប៉ះ Celtic ខែ កញ្ញា និងបានលេង៩០នាទីនៅ La Liga ២ដង ក្នុងជំនួបជាមួយ Las Palmas និង Eibar៕

ចុចអាន៖

ប្រភព៖ ESPN FC ប្រែសម្រួល៖ ហេង សុធារិទ្ធិ