រថយន្តអគ្គិសនី Fisker Emotion សាកមួយពេញ ៩ នាទីជិះបានជាង ៦៤០ គ.ម

2017-06-17 01:43:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Henrik Fisker ដែលជាសហគ្រិននិងអ្នករចនាម៉ូដរថយន្ត បានបង្ហោះផ្សាយនៅរូបភាពមួយសន្លឹកលើប្រព័ន្ធគណនី Twitter របស់ខ្លួន ទាក់ទងនឹងរថយន្តអគ្គិសនី Fisker Emotion ដែលសាកបញ្ចូលថ្មមួយពេញម្ដងចំណាយពេលត្រឹមរយៈពេល ៩ នាទី តែអាចជិះបានលើរាបល្អជាង ៦៤០ គីឡូម៉ែត្រ និងមានល្បឿនអតិបរមា ២៦០ គីឡូម៉ែត្រក្នុងមួយម៉ោង។

លោក Fisker មានគោលដៅធ្វើបដិវត្តបច្ចេកវិទ្យាថ្មនៃរថយន្តអគ្គិសនីនាពេលបច្ចុប្បន្ន ហើយលោកបានថ្លែង: “ប្រសិនណាបើរថយន្តអគ្គិសនីមួយនេះ ជោគជ័យក្នុងទីផ្សារទ្រង់ទ្រាយធំ ពួកយើងត្រូវការរួមបញ្ចូលគ្នាតែមួយរវាងបច្ចេកវិទ្យាថ្មនិងអាគុយ ដែលរថយន្តរបស់ពួកយើងនឹងមាននៅថ្ងៃខាងមុខ ហើយឥឡូវនេះជាពេលដែលត្រូវអភិវឌ្ឍបន្ថែមដែលអាចផ្ដល់ឱ្យអតិថិជនទទួលយកទៅបាន" ។

ប្រភេទរថយន្តអគ្គិសនីដ៏ប្រណីតមួយនេះ បំពាក់នូវបច្ចេកវិទ្យាថ្ម Graphene ដែលផលិតដោយក្រុមហ៊ុន Fisker Nanotech (ការចាប់ដៃគ្នារវាង Fisker Inc. និង Nanotech Engergy Inc.) ។ ចុងក្រោយលោកបញ្ជាក់ រថយន្ត Emotion នឹងប្រកាសបង្ហាញជាផ្លូវការនៅថ្ងៃទី ១៧ សីហា នាឆ្នាំនេះ។

រថយន្តអគ្គិសនី

គួររំព្ញកថា លោក Fisker ក៏ធ្លាប់បានរចនាឡើងនូវប្រភេទរថយន្តជាច្រើនដូចជា BMW Z8, Aston Martin DB9, Artega GT និង Aston Martin V8 Vantage គួបផ្សំនឹងនាឡិកាដៃ, កង់ និងរបស់ប្រើប្រាស់ជាច្រើនទៀតផងដែរ។

អានបន្ត៖

ប្រភព៖ carscoops ប្រែសម្រួល៖ កៅ រក្សា