តោះ! មកស្គាល់តារាប្រុសៗទាំងអស់ដែលធ្លាប់ជាសង្សាររបស់ Selena Gomez

2017-06-17 06:53:25
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងសម្ដែងដ៏ល្បីឈ្មោះ Selena Gomez ជាតារាម្នាក់ដែលចាប់ផ្ដើមល្បីឈ្មោះ ដោយសារតែការសម្ដែងនៅក្នុងរឿងនិងរឿងភាគក៏ដូចជាកម្មវិធីផ្សេងៗរបស់ប៉ុស្តិ៍ទូរទស្សន៍ Disney តាំងពីវ័យក្មេង។

ទោះជាយ៉ាងណាក៏ដោយ តារារូបនេះធ្លាប់និយាយមិនសូវចូលចិត្តបង្ហាញពីរៀងឯកជនទេ ដោយបញ្ជាក់ថាមិនចង់បង្ហាញរឿងផ្ទាល់ខ្លួនច្រើន។ ប៉ុន្តែពេលនេះអ្វីៗត្រូវផ្លាស់ប្ដូរ ចំពោះពេលនេះព្រោះនាងនិងសង្សាររបស់ខ្លួន The Weeknd តែងតែថើបគ្នានៅទីសាធារណៈជាញឹកញាប់។

មុននឹង Selena Gomez ចាប់ផ្ដើមទាក់ទងជាមួយ The Weeknd នាងគឺជាតារាស្រីម្នាក់ដែលត្រូវគេចាប់អារម្មណ៍ខ្លាំងពីទំនាក់ទំនងចុះឡើងៗជាមួយនឹងតារាចម្រៀងវ័យក្មេង Justin Bieber៕

តោះ! អីចឹងមកមើលៗតើតារាណាខ្លះ ធ្លាប់ជាសង្សាររបស់ Selena Gomez???

១. The Weeknd (សង្សារពិតប្រាកដ)

អ្នកទាំងពីរត្រូវគេសង្ស័យថាទាក់ទងគ្នាកាលពីខែមករាឆ្នាំ២០១៧ រហូតដល់ខែមេសាឆ្នាំ ២០១៧ទើបពួកគេប្រកាសជាផ្លូវការអំពីទំនាក់ទំនងរបស់អ្នកទាំងពីរ។

២. Charlie Puth (ពាក្យចចាមអារ៉ាម)

Charlie និង Selena ជួបគ្នាលើកទី១កាលពីឆ្នាំ២០១៥ក្នុងកម្មវិធីប្រគល់ពាន MTV VMAs ឆ្នាំ ២០១៥ ។ អ្នកទាំងពីរធ្លាប់មានព័ត៌មានខ្លះៗថាទាក់ទងគ្នាកាលពីឆ្នាំ ២០១៦។

៣. Samuel Krost

អ្នកជំនួញសញ្ជាតិអាមេរិករូបនេះសារភាពធ្លាប់ទាក់ទង Selena Gomez ដោយបង្ហោះរូបភាពអ្នកទាំងពីរនៅជាមួយគ្នានៅលើបណ្ដាញសង្គម Instagram។

៤. Niall Horan (ពាក្យចចាមអារ៉ាម)

Niall ធ្លាប់ត្រូវបានគេរាយការណ៍ថា បានទាក់ទងនិងជិតស្និទ្ធជាមួយ Selena បន្ទាប់ពីក្រុមចម្រៀង One Direction ឡើងប្រកាសឈ្មោះពេលនាងសម្ដែងក្នុងកម្មវិធី MTV Video Music Awards កាលពីឆ្នាំ២០១៣។

៥. Zedd

អ្នកទាំងពីរបានទាក់ទងគ្នាផ្លូវការមួយរយៈពេលធំកាលពីឆ្នាំ ២០១៥ ទោះបីជា Dj Diplo និយាយថារឿងទាំងនេះគឺជាការ ទាមទារការចាប់អារម្មណ៍តែប៉ុណ្ណោះ។

៦. Orlando Blook (ពាក្យចចាមអារ៉ាម)

អ្នកទាំងពីរធ្លាប់ថតរូបជាមួយគ្នាកាលពីឆ្នាំ ២០១៤ ប៉ុន្ដែមិនមានអ្វីកើតឡើងនោះទេ។ រហូតដល់ឆ្នាំ២០១៦ អ្នកទាំងពីរបានជួបគ្នាម្ដងទៀតក្នុងកម្មវិធីជប់លៀងអាល់ប៊ុមថ្មី "Revival” របស់ Selena Gomez ដែលជាហេតុនាំឲ្យមានការសង្ស័យថាអ្នកទាំងពីរធ្លាប់ទាក់ទងគ្នា។

៧. Justin Bieber

ទំនាក់ទំនងរបស់អ្នកទាំងពីរគឺជាទំនាក់ទំនងដែលច្របូកច្របល់ជាងគេ បន្ទាប់ពីទាក់ទងគ្នាដោយគ្នាមានបញ្ហាច្រើនពេក ចំណងស្នេហ៍របស់អ្នកទាំងពីរត្រូវបានបញ្ចប់ដើមឆ្នាំនេះ។

៨. Taylor Lautner

ពួកគេជួបគ្នានៅទីក្រុង Vancouver ឆ្នាំ ២០០៩ ហើយក៏បានទាក់ទងជាមួយគ្នាមួយរយៈ។ ក្រោយមកចំណងស្នេហ៍របស់គេត្រូវបញ្ចប់ដោយសារតែមានបញ្ហាជាច្រើនជាពិសេសគឺជាមួយពួកអ្នកប្រមាញ់ថតរូប។

៩. Nick Jonas

Nick Jonas និង Selena Gomez បានទាក់ទងគ្នាមួយរយៈកាលពីឆ្នាំ ២០០៨។

១០. David Henrie (ពាក្យចចាមអារ៉ាម)

តារាសម្ដែង David និង Selena ជួបគ្នាដោយសម្ដែងរឿងភាគរបស់ប៉ុស្តិ៍ទូរទស្សន៍ Disney។ ហើយក៏បានក្លាយជាមិត្តល្អទាំងគ្នាបន្ទាប់ពីរឿងភាគនេះត្រូវបានបញ្ចប់កាលពីឆ្នាំ២០១២។ អ្នកទាំងពីរធ្លាប់មានពាក្យចចាមអារ៉ាមថាទាក់ទងគ្នាកាលពីឆ្នាំ២០១៤៕

ចុចអាន៖

ប្រភព៖ popsugar ប្រែសម្រួល៖ ធារ៉ូ