OnePlus អរគុណ Apple ដែលជួយសិក្សាទីផ្សារកាមេរ៉ាភ្លោះឲ្យខ្លួន

2017-06-20 01:39:25
ចំនួនមតិ 0 | ចំនួនចែករំលែក 0

ចន្លោះមិនឃើញ

OnePlus 5 នឹងប្រកាសជាផ្លូវការនៅប៉ុន្មានម៉ោងទៀត ដោយគេដឹងយ៉ាងច្បាស់ថាវាមានបំពាក់នូវប្រព័ន្ធកាមេរ៉ាភ្លោះ ហើយមានរូបរាងស្រដៀងនឹង iPhone 7 Plus។

ទាក់ទងនឹងប្រព័ន្ធកាមេរ៉ាភ្លោះនេះដែរសហស្ថាបនិក OnePlus លោក Carl Pei បានលើកឡើងថា ៖ "ពួកយើងសិក្សាពីប្រព័ន្ធកាមេរ៉ាភ្លោះកាលពីឆ្នាំមុន ប៉ុន្តែយើងដឹងច្បាស់ថាការសិក្សាទីផ្សារនៃបច្ចេកវិទ្យានេះអាចនឹងត្រូវចំណាយលុយច្រើន។ ពួកយើងត្រូវអរគុណដល់ Apple ដែលបានជួយសិក្សាពីទីផ្សារឲ្យពួកយើង"។

លោក Carl Pei បានលើកឡើងដូចនេះក្នុងវីដេអូផ្ដាច់មុខមួយដែលបង្កើតឡើងដោយសារព័ត៌មានបច្ចេកវិទ្យា The Verge ដែលចេញផ្សាយកាលពីយប់មិញ និយាយពីការបង្កើត OnePlus 5។ នៅក្នុងវីដេអូក៏បានឲ្យដឹងដែរថាកាមេរ៉ាភ្លោះរបស់ OnePlus 5 មានចំណុចពិសេសដូច iPhone 7 Plus យ៉ាងអ៊ីចឹង ដោយមានកាមេរ៉ាមួយជាប្រភេទ Telephoto ជំនួយដល់ការ Zoom ពេលថតរូប និង អាចថតរូបជាលក្ខណៈ Portrait Mode បាន (ច្បាស់មុខព្រាលក្រោយ)៕

ចុចអាន៖

ប្រភព៖ PhoneArena ប្រែសម្រួល៖ សុខហេង