Britney Spears បង្ហើបថា ចង់មានបទចម្រៀងច្រៀងជាមួយ Beyonce

2017-06-22 07:50:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះកំពូលតារាចម្រៀងប៉ុប Britney Spear និយាយថាចង់មានបទឆ្លើយឆ្លងជាមួយតារាចម្រៀងសំឡេងល្អ Beyonce។

តារាចម្រៀង Britney Spear

អ្នកទាំងពីរធ្លាប់ចូលរួមច្រៀងជាមួយគ្នាម្តងរួចមកហើយកាលពីឆ្នាំ ២០០៤ សម្រាប់វីដេអូពាណិជ្ជកម្មរបស់ក្រុមហ៊ុន Pepsi ដែលក្នុងនោះមានតារាស្រីមួយរូបទៀតគឺ Pink ចូលរួមច្រៀងជាមួយ។

តារាវ័យ៣៥ឆ្នាំរូបនេះបានបន្តប្រាប់សារព័ត៌មាន The Bangkok Post ថា៖ "នាងគឺពិតជាពូកែ និងបទចម្រៀងរបស់នាងគឺពិតជាអស្ចារ្យណាស់"។ ម្យ៉ាងទៀតនាងបានសរសើរ Beyonce ចំពោះអាល់ប៊ុម "Lemonade” ដែលបានយកវាមកធ្វើជាវិធីមួយសម្រាប់កំដរអារម្មណ៍ផ្លូវចិត្តទៀតផង។

Britney ក៏បានបន្ថែមទៀតថានាងកំពុងតែ ផលិតបទចម្រៀងថ្មី ហើយមិនមានគម្រោងបញ្ចេញបទចម្រៀងអ្វីសម្រាប់ឆ្នាំនេះទេ។

តារាចម្រៀង Beyonce

គូសបញ្ជាក់ថាតារាចម្រៀង Britney Spear ទើបតែបញ្ចេញអាល់ប៊ុមចុងក្រោយរបស់នាងចំណងជើងថា "Glory” កាលពីឆ្នាំ២០១៦។ ហេតុដូចនេះហើយ បើសិនជានាងអាចមានឱកាសផលិតចម្រៀងជាមួយ Beyoce មែនអ្នកគាំទ្រត្រូវរងចាំយ៉ាងហោចណាស់មួយឆ្នាំទៀតទម្រាំដល់ពេល Britney ចាប់ផ្តើមផលិតអាល់ប៊ុមថ្មីរបស់នាង៕

នេះជាវីដេអូ Pepsi កាលពីឆ្នាំ២០០៤៖