តារាប្រុសកូរ៉េរូបណាទៅហ្ន៎ ដែលនឹងចាប់គូសម្ដែងរឿងថ្មីជាមួយតារាហ្វីលីពីន Anne Curtis?

2017-06-23 04:06:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះមានពាក្យចចាមអារ៉ាមជាច្រើន ពាក់ព័ន្ធនឹងតារាស្រីដ៏មានប្រជាប្រិយហ្វីលីពីន Anne Curtis នឹងចាប់គូសម្ដែងជាមួយកំពូលតារាប្រុសកូរ៉េ Gong Yoo ក្នុងខ្សែភាពយន្តថ្មី។

ទាក់ទងនឹងព័ត៌មាននេះ អ្នកតំណាងម្នាក់មកពី ផលិតកម្ម “Viva Entertainment Philippines” លោក Vic del Rosario បានបញ្ជាក់ថា លោកកំពុងមមាញឹកជាមួយគម្រោងផលិតរឿងថ្មី ដែលសម្ដែងដោយ តារាសម្ដែងស្រី Anne និងតារាប្រុសកូរ៉េម្នាក់។ អ្នកតំណាងដដែលបានបន្តថា លោកបានធ្វើដំណើរទៅមកប្រទេសកូរ៉េខាងត្បូង ដើម្បីពិភាក្សាការងារនេះជាមួយដៃគូកូរ៉េ ជាច្រើនដង។

លោក Vic del Rosario

ថ្វីត្បិតតែមិនបាននិយាយថាតារាប្រុសរូបណានឹងត្រូវសម្ដែងក្នុងរឿងថ្មីនេះ តែលោក Vic ក៏បានបង្ហើបថា ប្រុសសង្ហាម្នាក់នោះមានប្រជាប្រិយភាពណាស់នៅហ្វីលីពីន ហើយនៅពេលបានជ្រាបអ្នកគាំទ្រនឹងភ្ញាក់ផ្អើល។ យ៉ាងណាក្ដី អ្នកទី ១ ដែល មហាជនទាយទុកមុនគេគឺ "Gong Yoo” ព្រោះជាតារាប្រុសដែលមានអ្នកគាំទ្រច្រើននៅហ្វីលីពីន ហើយលោកក៏ជាតារាសំណព្វចិត្តរបស់ Anne ដែរ។

ដោយឡែក ងាកមកការងារមួយទៀត ផលិតកម្មដដែល ក៏នឹងត្រៀមដាក់បញ្ចាំងកុនកូរ៉េថ្មីរបស់ Song Joong Ki ដែលមានចំណងជើងថា "Battleship Island" ក្នុងប្រទេសហ្វីលីពីន ឆាប់ៗខាងមុខដែរ៕