BLACKPINK បំបែកឯកត្តកម្មដ៏ធំមួយក្រោយចេញវីដេអូចម្រៀង "As If It's Your Last”

2017-06-23 07:02:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀង BLACKPINK ទើបតែបំបែកឯកត្តកម្មដ៏ធំមួយបន្ទាប់ពីបញ្ចេញវីដេអូចម្រៀងចុងក្រោយរបស់ពួកគេគឺបទ "As If It's Your Last” ជាវីដេអូចម្រៀង K-Pop ដែលមានអ្នកចូលទស្សនា១០លានដងលឿនជាងគេបង្អស់។

វីដេអូចម្រៀងនេះបានបញ្ចេញម្សិលមិញ វេលាម៉ោង៦ល្ងាចនៅកូរ៉េដែលត្រូវនឹងម៉ោង៤នៅប្រទេសកម្ពុជា។ ត្រឹមម៉ោង ១១ព្រឹក(ម៉ោងនៅកូរ៉េ) វីដេអូនេះមានអ្នកទស្សនាដល់ទៅ ១០លានដងរួចទៅហើយ ដែលនៅក្នុងរយៈពេលតែ ១៧ម៉ោងតែប៉ុណ្ណោះ។

អ្នកដែលកាន់ឯកត្តកម្មនេះដំបូងគឺជាក្រុមចម្រៀង BTS ជាមួយនឹងវីដេអូចម្រៀង "Not Today” ដែលទទួលបានអ្នកមើល ១០លានដងក្នុងរយៈពេល២១ម៉ោង។

នេះគឺដោយសារតែ វីដេអូចម្រៀងនិងបទភ្លេងថ្មីរបស់ BLACKPINK នេះមិនបានធ្វើឲ្យអ្នកគាំទ្រខកចិត្តនោះទេ គឺពេញចិត្តស្ដូកតែម្ដង។

ក្រុមចម្រៀង BLACKPINK នៅតែបន្តភាពជោគជ័យរបស់ពួកគេ ហើយពួកគេត្រូវបានទទួលស្គាល់ពីសំណាក់អ្នកគាំទ្រ K-Pop ទូទាំងពិភពលោក៕