ពិតជាខ្លាំង! BLACKPINK បំបែកឯកត្តកម្មមួយរបស់ One Direction បានសម្រេច!

2017-06-24 04:01:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀង BLACKPINK នៅតែបន្តបំបែកឯកត្តកម្មជាហូរហែបន្ទាប់ពីបានបញ្ចេញ MV ថ្មី "As If It's Your Last”។

ហើយម្សិលមិញនេះ វីដេអូចម្រៀងនេះបានបំបែកឯកត្តកម្មជាវីដេអូចម្រៀងដែលមានអ្នកចូលមើលច្រើនដងបំផុតក្នុងរយៈពេល២៤ម៉ោង ដែលឯកត្តកម្មនេះធ្លាប់បំបែកដោយក្រុមចម្រៀង One Direction។

BLACKPINK បានបញ្ចេញវីដេអូចម្រៀង "As If It's Your Last” កាលពីថ្ងៃទី២២ នេះ ហើយក៏ទទួលបានការគាំទ្រយ៉ាងគគ្រឹកគគ្រេង ដែលធ្វើឲ្យការត្រលប់មកវិញរបស់ពួកគេនេះជោគជ័យខ្លាំង។

ក្នុងរយៈពេលតែ២៤ម៉ោង វីដេអូចម្រៀងនេះទទួលបានការចូលមើលរហូតដល់ទៅ ១២.៦៦លានដងនៅលើ YouTube។ ហើយនេះក៏ជាពេលដែលខ្លីបំផុតមួយ សម្រាប់វីដេអូចម្រៀងកូរ៉េលើកដំបូង មានអ្នកចូលមើលលើសពី១០លានដង។ មុននេះក្រុមចម្រៀងដែលធ្លាប់បានអ្នកចូលមើលច្រើនបំផុតគឺ BTS ដែលមានអ្នកចូលមើលគ្រប់១០លានដងនៅរយៈពេល ២៤ម៉ោង។

ឯកត្តកម្មមួយនេះរបស់ BLACKPINK គឺយកឈ្នះ One Direction ចំនួន២ម៉ោង ដោយក្រុមចម្រៀងបុរសនេះទទួលបានអ្នកចូលមើល ១២.៥០លានដងក្នុងរយៈពេល២៤ម៉ោង។

BLACKPINK នឹងសម្តែងលើឆាកលើកដំបូងនៅកម្មវិធី “Music Core” ថ្ងៃទី២៤មិថុនានេះហើយ៕