ម៉ានិត និង មាន សូនីតា នាំថវិកាទទួលបានពីការលក់សៀវភៅទៅជូនមន្ទីរពេទ្យកុមារអង្គរ

2017-06-25 02:40:32
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ នៅលើគណនីគណនី Instagram ហាង Slanh House របស់ មាន សូនីតា បានឲ្យដឹងថា នាងព្រមទាំងក្រុមការងារ "បេសកកម្មមួយ" និង "ចលនាស្រឡាញ់" បាននាំទឹកប្រាក់ចំនួន ៥ លានរៀលជូនដល់មន្ទីរពេទ្យកុមារអង្គរ ខេត្តសៀមរាប។

ក្នុងសារដដែលនោះ មាន សូនីតា បានបញ្ជាក់ថា ថវិកាទាំងនោះ គឺទទួលបានការលក់សៀវភៅប្រលោមលោករឿង"បេសកកម្មមួយ: ទាសករផ្លូវចិត្ត" ដែលជាទីសៀវភៅប្រលោមលោកទី២របស់ តារាចម្រៀង ម៉ុង មានិត ដែលទើបតែសម្ពោធដាក់លក់ជាផ្លូវការកាលពីថ្ងៃទី១០ មីនាកន្លងទៅនេះ។

នេះមិនមែនជាលើកទីមួយទេ ដែលក្រុមការងារ "បេសកកម្មមួយ និងចលនាស្រឡាញ់" បានយកថវិកាទទួលបានពីលក់សៀវភៅនេះជួយដល់ទីកន្លែងខ្វះខាតផ្សេងៗ ពោលគឺ កាលពីបោះពុម្ពលើកទី១ពួកគេបានបរិច្ចាគប្រាក់ចំនួន ១០ លានរៀល ទៅមន្ទីរពេទ្យគន្ធបុប្ផា លើកទី២ គឺលក់ដើម្បីជួយដល់ល្ខោនស្រមោលស្បែកធំ ជាមួយចលនា "៥០០០ រៀល ដើម្បីជីវិតល្ខោនស្បែកធំ" ដោយមួយក្បាលៗដែលលក់បាន លោកបានបរិច្ចាគប្រាក់ចំនួន ៥០០០ រៀល ទៅមូលនិធិល្ខោនស្បែកធំ៕

អាន៖ ម៉ានិត លក់សៀវភៅលើកទី២ ជួយល្ខោនស្បែកធំ

អាន៖ មុនកម្មវិធី២ម៉ោង ម៉ានិត និពន្ធបទថ្មីឡើងច្រៀងភ្លាមៗទាំងអត់ចំណងជើង

អាន៖ ជុំវិញរឿងរ៉ាវ មានិត

អត្ថបទ៖ សុខណា