ទូរសព្ទ iPhone ២ រោទ៍ក្នុងពេលតែមួយ ដំណោះស្រាយងាយបំផុត

2017-06-27 02:24:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុអ្វីទូរសព្ទខ្ញុំនិងមិត្តភ័ក្ដិរោទ៍ក្នុងពេលតែមួយ នៅពេលដែលនរណាម្នាក់ Call មក ខណៈទូរសព្ទពួកគេទាំង ២ ប្រើប្រាស់លេខទូរសព្ទខុសគ្នា។ នេះជាចម្ងល់របស់ប្រិយមិត្ត Sabay តើនោះគួរដោះស្រាយបែបណា?

តាមការពិតទៅវាមកពីបញ្ហា ២ រួមមានការច្រឡំបើកមុខងារថ្មី iPhone Cellular Calls របស់ FaceTime និងមួយទៀតមកពីការប្រើប្រាស់ iCloud គណនីតែមួយលើ iPhone ចំនួន ២។

ដំណោះស្រាយនៃបញ្ហាទាំងនោះមានដូចខាងក្រោម។

១.ធ្វើការបិទមុខងារ iPhone Cellular Call

- បើក iPhone ទាំង ២ គ្រឿង រួចចូលទៅកាន់ Settings ហើយរើសយក FaceTime

បិទមុខងារ iPhone Cellular Calls

ករណីបើទូរសព្ទរបស់អ្នកពុំបានបើកមុខងារ FaceTime ទេ សូមរំលងចូលមើលចំណុចបន្ទាប់។

២.លុប iCloud ចោលចេញពីទូរសព្ទមួយ

អ្នកគួរប្រើ iCloud គណនីមួយ លើទូរសព្ទតែមួយគ្រឿងបានហើយ។ បើសិនជាអាចសូមកុំប្រើប្រាស់ iCloud ជាមួយគ្នា ព្រោះបញ្ហាមិនត្រឹមតែទាក់ទងនឹងការ Call ចូលស្វ័យប្រវត្តិជាន់គ្នានោះទេ ផ្ទុយទៅវិញមានបញ្ហាជាច្រើនទៀត ដូចជាករណីម្ចាស់មួយធ្វើឱ្យគាំងខូច នោះទូរសព្ទអ្នកក៏ខូចដូចគ្នា។

ចូលទៅកាន់ Settings > iCloud
ធ្វើការ Sing Out ជាការស្រេច (ទាមទារលេខកូដ iCloud ដើម្បី Sign Out)

សរុបជាន័យរួម ដំណោះស្រាយទី ២ ជាបញ្ហាចម្បងដែលមនុស្សភាគច្រើនរមែងជួប។ ម្ល៉ោះហើយបើប្រិយមិត្តមានបញ្ហាក៏ដូចជាចម្ងល់ណាផ្សេងទៀត អាចធ្វើការ Comment នៅប្រអប់ខាងក្រោមបាន ហើយ Sabay នឹងព្យាយាមរកដំណោះស្រាយតាមដែលអាចធ្វើទៅបាន។

បន្តចុចអាន៖

- តួលេខអ្នកប្រើអ៊ីនធឺណិតនៅកម្ពុជាយកឈ្នះឡាវ ប្រកៀកប្រកិតសិង្ហបុរី