កាត ATM របស់គ្រឹះស្ថានធនាគារ និងហិរញ្ញវត្ថុទាំងអស់ នឹងត្រូវដក ដាក់តែ១

2017-06-27 10:04:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារជាតិកម្ពុជានឹងបញ្ចូលប្រព័ន្ធ ATM របស់គ្រឹះស្ថានធនាគារ និងហិរញ្ញវត្ថុតែ១
អ្នកមានកាត ATM អាចដក ឬដាក់ប្រាក់តាមទូម៉ាស៊ីន ATM និងប្រើម៉ាស៊ីនឆូតកាត (POS) ពីគ្រឹះស្ថានណាមួយក៏បាន
គ្រឹះស្ថានធនាគារ និងហិរញ្ញវត្ថុត្រូវចូលជាសមាជិកឲ្យបានមុនថ្ងៃទី ០១ ខែមករា ឆ្នាំ ២០១៨ជាកំហិត

យោងតាមសេចក្ដីប្រកាសរបស់ធនាគារជាតិនៃកម្ពុជា បានឲ្យដឹងថា គម្រោងបង្កើតប្រព័ន្ធ ATM តែមួយ ដោយតម្រូវឲ្យគ្រឹះស្ថានធនាគារ និងហិរញ្ញវត្ថុចូលជាសមាជិក ហៅថា ប្រព័ន្ធ Central Shared Switch។ ប្រព័ន្ធថ្មីនេះ ធ្វើឡើងដើម្បីផ្ដល់ភាពងាយស្រួល រហ័ស ប្រសិទ្ធភាព សុវត្ថិភាព និងជឿទុកចិត្តបាន អ្វីដែលពិសេសនោះគឺ អ្នកមានកាត ATM អាចដក ឬដាក់ប្រាក់តាមទូម៉ាស៊ីន ATM និងប្រើម៉ាស៊ីនឆូតកាត (POS) ពីគ្រឹះស្ថានណាមួយក៏បាន។

ក្នុងសេចក្ដីប្រកាសរបស់ធនាគារជាតិកាលពីខែឧសភា កន្លងទៅ បានបញ្ជាក់ថា គ្រឹះស្ថាន មានកាតព្វកិច្ចចូលរួម ជាសមាជិកក្នុងប្រព័ន្ធ Central Shared Switch ឲ្យបានមុនថ្ងៃទី ០១ ខែមករា ឆ្នាំ ២០១៨ជាកំហិត។ ការខកខាន មិនបានចូលរួមតាមខ្លឹមសារនៃប្រកាសនេះ ត្រូវទទួលរងទណ្ឌកម្មដូចមានចែងក្នុងមាត្រាទី ៥២ នៃច្បាប់ស្ដីពីគ្រឹះស្ថានធនាគារ និងហិរញ្ញវត្ថុ៕