សមត្ថភាពដៃគូ ស៊ន សៀវម៉ី ដែលប៉ះគ្នានៅជើងឯកពិភពលោកខ្លាំងមិនធម្មតា

2017-06-28 03:20:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះវីរការនី ស៊ន សៀវម៉ី នឹងប៉ះជើងខ្លាំងអេហ្ស៊ីប Farouk Maisoun ក្នុងកម្មវិធីប្រកួតជើងឯកពិភពលោក WTF World Taekwondo Championship 2017 នៅប្រទេសកូរ៉េក្នុងប្រភេទទម្ងន់ -៧៣គីឡូក្រាមវគ្គ៣២នាក់ចុងក្រោយវេលាម៉ោង ១:៣០ នាទីរសៀលនេះ។ បើមើលទៅលើប្រវត្តិរបស់កីឡាការិនីរូបនេះឃើញថា ខ្លាំងមិនធម្មតាឡើយ។

កីឡាការិនី ស៊ន សៀវម៉ី

- ឆ្នាំ២០១៤ កីឡាការិនី Farouk Maisoun ឡើងដល់វគ្គពាក់ ១/៤ នៃកម្មវិធីប្រកួតជម្រុះព្រឹត្តិការកីឡាអូឡាំពិកដោយចាញ់កីឡាការិនីប្រទេសរុស្សី TURUTINA, Yuliya ដោយពិន្ទុ៨-១ក្នុងប្រភេទទម្ងន់ -៦៣គីឡូក្រាម។ ក្នុងឆ្នាំនេះដដែលកីឡាការិនីរូបនេះចូលរួមប្រកួត World Championship ហើយឡើងដល់វគ្គ ១/៤ ដដែលពេលនោះគឺចាញ់កីឡាការិនីអាល្លឺម៉ង់ KÖRNDL, Vanessa ដោយពិន្ទុ ១០-៤ ក្នុងប្រភេទទម្ងន់ -៦៣ គីឡូក្រាម។

ឆ្នាំ២០១៥កីឡាការិនី Farouk Maisoun ចូលរួមប្រកួត World Championship ហើយឡើងដល់វគ្គ ១/១៦ ដោយចាញ់កីឡាការិនីមកពីប្រទេសរុស្ស៊ី GURSKAYA, Anastasia ដោយពិន្ទុ ៤-២ ក្នុងប្រភេទទម្ងន់ -៧៣ គីឡូក្រាម។
ឆ្នាំ២០១៦ កីឡាការិនីរូបនេះចូលរួមប្រកួតក្នុងកម្មវិធី Luxor Open, នៅសហរដ្ឋអាមេរិក និងចូលរួម Spanish Open នៅប្រទេសអេស្ប៉ាញឡើងដល់វគ្គ ១/២ ផ្ដាច់ព្រ័ត្រទាំងពីរក្នុងប្រភេទទម្ងន់ -៧៣គីឡូក្រាមដូចគ្នា។ ក្នុងឆ្នាំនេះដដែលកីឡាការិនី Farouk Maisoun ក៏បានចូលរួមប្រកួត African Championships ឡើងដល់វគ្គផ្ដាច់ព្រ័ត្រ ហើយផ្ដួលកីឡាការិនី KONE, Mamina មកពីប្រទេស Côte d'Ivoire ដោយពិន្ទុ ៣-២ ដើម្បីឈ្នះជើងឯក។

ក្នុងឆ្នាំ២០១៧ មុនមកចូលរួមប្រកួត WTF World Taekwondo Championship 2017 នៅប្រទេសកូរ៉េកីឡាការិនីរូបនេះទើបតែឈ្នះជើងឯករងក្នុងកម្មវិធីប្រកួត Egypt Open នៅប្រទេសអេហ្ស៊ីបរបស់ខ្លួន ដោយចាញ់កីឡាការិនី KONE, Mamina មកពីប្រទេស Côte d'Ivoire ដោយពិន្ទុ ៨-១៕