“Fast & Furious 9” អាចបាត់បង់តួ Letty ដោយសារតែបញ្ហានេះ

2017-06-28 07:19:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់ម្សិលមិញនេះតារាសម្ដែង Michelle Rodriguez ដែលសម្ដែងជាតួអង្គ Letty Ortiz នៅក្នុងខ្សែរឿង “Fast and Furious” បានបង្ហោះរូបភាពមួយនៅលើបណ្តាញសង្គម Instagram ជាមួយនឹងពាក្យពេចន៍ចំនួនថា នាងនឹងមិនព្រមត្រលប់មកថតរឿង "Fast and Furious 9” ទេ បើគេមិនព្រមផ្ដល់ក្ដីស្រលាញ់ដល់តួអង្គស្រីៗដែលមាននៅក្នុងរឿងនេះ។

តួអង្គ Letty ដែលសម្ដែងដោយ Michelle Rodriguez

អ្វីៗដែលនាងបានលើកឡើងលើ Instagram

នៅក្នុងវគ្គមុនៗ ខណៈដែលតួអង្គសំខាន់ៗគឺ Vin Diesel, Paul Walker និង Jordana Brewster តារារូបនេះបាននិយាយប្រាប់ទស្សនាវដ្ដី EW ថា៖ "ខ្ញុំបានចូលរួមថតរឿងជាមួយ Jordana អស់រយៈពេល១៦ឆ្នាំហើយ ហើយខ្ញុំអាចនិយាយថា មិនលើសពី៥ឃ្លាទេដែលខ្ញុំធ្លាប់និយាយទៅកាន់នាងនៅក្នុងរឿង។ ខ្ញុំគិតថាវាមិនល្អទាល់តែសោះ ហើយវាខ្វះគំនិតច្នៃប្រឌិត"។

តារាសម្តែង Jordana Brewster

ខ្សែរឿង “Fast and the Furious” ធ្លាប់មានតួអង្គស្រីល្បីៗចូលរួមដូចជា Gal Gadot, Helen Mirren, Charlize Theron និង Elsa Pataky ជាដើម ប៉ុន្តែសាច់រឿងគឺជាញឹកញាប់ផ្ដោតសំខាន់តែលើតួអង្គប្រុសៗតែប៉ុណ្ណោះ។ ហើយរឿងដែលបំបែកចេញពីខ្សែរឿងនេះដែលគេគ្រោងនឹងមានចូលរួមដោយ Dwayne Johnson និង Jason Statham ហើយ Charlize Theron អាចចូលរួមសម្ដែងជាមួយ។ ចំណែកឯរឿង "Fast and Furious” វគ្គទី១០និងទី១១ក៏កំពុងស្ថិតនៅក្នុងដំណើរការផលិតផងដែរ៕