ផ្អើលពេញអ៊ីនធឺណិត! តារាម៉ូដែលរូបនេះពពោះជិតកើតហើយ តែក្បាលពោះមិនធំសោះ

2017-06-29 04:32:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែលឈុតក្នុងម្នាក់ បានបង្កើតភាពភ្ញាក់ផ្អើលមួយទៅកាន់អ្នកប្រើប្រាស់បណ្ដាញអ៊ីនធឺណិត នៅពេលដែលខ្លួនមានទម្ងន់ ៦ខែទៅហើយ តែក្បាលពោះនៅតែមានសាច់ដុំរឹងមាំ រាបស្មើមិនប៉ោង ដូចស្ត្រីពោះធំទូទៅសោះ។

ដើម្បីទម្លាយអាថ៌កំបាំងនៅពីក្រោយការថែរក្សារាងនៅដដែល ខណៈនាងកំពុងពពោះនេះ Sarah Stage បានចែករំលែកវីដេអូពីលំហាត់ប្រាណរបស់ខ្លួននៅផ្ទះកាលពីថ្ងៃអង្គារ ដើមសប្ដាហ៍នេះ។ អ្នកម្ដាយដែលជាតារាម៉ូដែល វ័យ ៣៣ឆ្នាំ មកពីទីក្រុង Los Angeles រូបនេះពរពោះដំបូងឆ្នាំ ២០១៥ មកទល់ពេលនេះកូនប្រុសច្បងមានអាយុ ២ឆ្នាំហើយ ហើយនាងក៏កំពុងមានទម្ងន់កូនទី២ បាន៦ខែហើយដែរ។

រូបភាពនេះ កូនក្នុងផ្ទៃមានរយៈពេល ២២សប្ដាហ៍

គ្រួសាររបស់ Sarah Stage

កាលពីទម្ងន់កូនដំបូង (៩ខែ)

ក្រោយសម្រាលកូនដំបូង ៩ថ្ងៃ

អ្វីដែលស្ត្រីមួយចំនួនមានការស្ងើចសរសើរនោះគឺ តារាស្រីរូបនេះបានមានវិធីសាស្ត្រថែរាងដោយវិធីហាត់ប្រាណបានយ៉ាងល្អ ស្ទើរមិនដឹងថានាងកំពុងពពោះទេ។ វិធីទាំងនោះមានយល់ព្រមដោយគ្រូពេទ្យ ថាវាមិនប៉ះពាល់ដល់សុខភាពទារកក្នុងផ្ទៃ ។ ដើម្បីចង់ដឹងថានាងមានរូបមន្តបែបណា សូមទស្សនាវីដេអូរបស់នាងខាងក្រោមទាំងអស់គ្នា៖

ចុចអាន៖

ប្រភព៖ Dailymail ប្រែសម្រួល៖ យី សុធារី