កូនកំលោះ បាត់បង់ម្ចាស់ការ ប្រើ AK-47 បាញ់រះ ចំអ្នកថតរូបម្នាក់ ក្នុងយប់មង្គលការខ្លួន

2017-07-04 01:58:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនកំលោះ បាញ់កាំភ្លើងរះទៅលើផ្ទៃមេឃ ស្រាប់តែបាត់បង់ម្ចាស់ការ រាកៃបាញ់ចំអ្នកថតរូប
កូនកំលោះបានប្រើដៃម្ខាង កាន់កាំភ្លើង ម៉ាក AK-47 មួយដើម

ហេតុការណ៍ដ៏គួរឲ្យរន្ធត់មួយបានកើតឡើង នៅពេលដែលកូនកំលោះ កំពុងបាញ់កាំភ្លើងរះទៅលើផ្ទៃមេឃ ក្នុងអំឡុងពិធីមង្គលការរបស់ខ្លួន ស្រាប់តែបាត់បង់ម្ចាស់ការ រាកៃបាញ់ចំអ្នកថតរូបម្នាក់ទៅវិញ។

បើយោងតាមខ្សែវីដេអូឃ្លិប នៅពេលកើតហេតុ បានបង្ហាញឲ្យឃើញ កូនកំលោះបានប្រើដៃម្ខាង កាន់កាំភ្លើង ម៉ាក AK-47 មួយដើម ខណៈកំពុងអង្គុយនៅលើតុ ដែលមានភ្ញៀវជាច្រើននាក់ឈរព័ទ្ធជុំវិញ។ បន្ទាប់មក កូនកំលោះបានបាញ់កាំភ្លើង តម្រង់ទៅលើផ្ទៃមេឃជាច្រើនគ្រាប់ ស្រាប់តែមួយរំពេចក្រោយមក កាំភ្លើងបានរាកៃចុះមកវិញ បណ្ដាលឲ្យបាញ់ចំតុ និងអ្នកថតរូបតែម្ដង។

ហេតុការណ៍នេះបានកើតឡើង នៅក្នុងទីក្រុង Bteghrin ប្រទេសលីបង់។ ក្រោយពេលកើតហេតុ ជនរងគ្រោះត្រូវបានសាច់ញាតិកូនកំលោះ ប្រញាប់ប្រញាល់បញ្ជូនទៅកាន់ មជ្ឈមណ្ឌលវេជ្ជសាស្ត្រ Bhannes Medical Center ដើម្បីព្យាបាលរបួស៕

ចង់ដឹងយ៉ាងណា សូមទស្សនាទិដ្ឋភាពនៅពេលកើតហេតុទាំងអស់គ្នា៖

ចុចអាន៖

ប្រភព៖ Dailymail ប្រែសម្រួល៖ សេង ឡុង