ជុំវិញរឿងក្រុមចម្រៀង TWICE ត្រូវគេគំរាមថានឹងជះទឹកអាស៊ីដ

2017-07-04 02:42:46
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងហេតុនេះកើតឡើងដោយសារតែអ្នកលេងបណ្ដាញសង្គម Ilbe ម្នាក់បានសរសេរគំរាមថានឹងចាក់ទឹកអាស៊ីដ១០លីត្រទៅលើសមាជិកក្រុម TWICE ពេលគេត្រលប់មកពីប្រទេសជប៉ុនមកកូរ៉េវិញ។ នេះគឺដោយសារតែជននោះមិនសប្បាយចិត្តដែល TWICE ជាក្រុមចម្រៀងកូរ៉េ ប៉ុន្តែបែរជាខិតខំផ្សព្វផ្សាយនិងសម្ដែងនៅប្រទេសជប៉ុន។

ជនម្នាក់នោះបានបង្ហោះរូបថតការប្រគំតន្ត្រីដែលប្រព្រឹត្តិទៅនៅប្រទេសជប៉ុនជាមួយនិងចេតនាចង់គំរាមសមាជិកក្រុមនោះ។ គេបានសរសេរដូច្នេះថា៖ "ល្អ លុយគឺពិតជាអស្ចារ្យ លុយគឺពិតសំខាន់ខ្លាំងណាស់មែនទេ? បើសិនជាអ្នកអាចចាកចេញពីប្រទេសកូរ៉េដើម្បីលុយ អ៊ីចឹងកុំត្រលប់មកវិញអី។ បើសិនជាត្រលប់មកវិញខ្ញុំនឹងរងចាំជាមួយនិងទឹកអាស៊ីដ១០លីត្រ នៅព្រលានយន្តហោះ"។

នេះជាអ្វីដែលជននោះបានបង្ហោះ

ការគំរាមនេះមិនមែនជាលើកទី១នោះទេ សមាជិកក្រុម Mina ក៏ធ្លាប់ទទួលរងការគំរាមសម្លាប់ផងដែរ។

ដោយសារតែការគំរាមនេះក្រុមហ៊ុន JYP ក៏បានបញ្ចេញសេចក្ដីថ្លែងការណ៍ទាក់ទងនឹងបញ្ហានេះដូច្នេះថា៖ "យើងបានបន្ថែមកងសន្តិសុខដើម្បីធានាសុវត្ថិភាពដល់ការត្រលប់មកវិញរបស់ក្រុមចម្រៀង TWICE។ ចំពោះអ្នកដែលបានបង្ហោះការគំរាមនេះនឹងត្រូវគេស្វែងរកដោយ ប្រើប្រាស់ IP Address។ នៅពេលដែលគេស្វែងរកឃើញហើយ យើងនឹងចាត់វិធានការតាមផ្លូវច្បាប់។ ចំពោះរឿងអ្វីៗដែលកើតឡើងនៅថ្ងៃអនាគតយើងនឹងប្រើប្រាស់ធនធានទាំងអស់ដែលមានដើម្បីចាត់ចែងដោះស្រាយតាមផ្លូវច្បាប់"៕