ដឹងមូលហេតុដែល Ed Sheeran សម្រេចចិត្តឈប់ប្រើបណ្ដាញសង្គម Twitter

2017-07-04 06:50:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងម្ចាស់បទ “Shape Of You” លោក Ed Sheeran សម្រេចចិត្តឈប់ប្រើប្រាស់បណ្តាញសង្គម Twitter ដោយសារតែមានអ្នកប្រើបណ្ដាញសង្គមនេះមកបង្ហោះនិយាយរឿងមិនល្អចំពោះលោកច្រើនពេក។

តារាវ័យ២៦ឆ្នាំរូបនេះប្រាប់ថា ខ្លួននឹងមិនសកម្មនៅលើវិបសាយបណ្ដាញសង្គមនេះទៀតឡើយ ដោយសារតែសម្បូរដោយមនុស្សដែលនិយាយរឿងអាក្រក់ច្រើនពេក។

ហើយតារារូបនេះក៏បានបញ្ជាក់ទៅលើករណីដែលអ្នកគាំទ្ររបស់កំពូលតារាចម្រៀង Lady Gaga មានការយល់ច្រឡំថាលោកបាននិយាយពាក្យពេចន៍មិនសមរម្យដល់តារាល្បីម្នាក់នេះ។ Ed Sheeran បានថ្លែងប្រាប់សារព័ត៌មាន The Sun ថា៖ "អ្នកគាំទ្រ Lady Gaga បានអានកិច្ចសម្ភាសន៍មួយ ហើយក៏ស្រាប់តែគិតថាខ្ញុំនិយាយមិនល្អចំពោះនាងហើយក៏ចាប់ផ្ដើមថាឲ្យខ្ញុំតែម្ដង។ ហើយវាមិនមានអ្វីដែលទាក់ទងនឹងនាងទាល់តែសោះ ដូច្នេះហើយខ្ញុំគិតថា Twitter តែងតែជាកន្លែងដែលមនុស្សចេះតែកំណត់រឿងឫបង្កើតរឿងអ្វីមួយតាមតែអំពើចិត្ត"។

តារាចម្រៀង Ed Sheeran មិនទាន់បានលុបគណនី Twitter របស់ខ្លួនចោលទេសម្រាប់ពេលនេះ៕