ល្បីមកថា Cambodian All Stars នឹងហ្វឹកហាត់ថ្ងៃ១២នេះហើយ ជាមួយ U23

2017-07-06 03:36:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមប្រភពមួយបានបញ្ជាក់ឱ្យដឹងថាក្រុម Cambodian All Stars នឹងចាប់ផ្ដើមប្រមូលផ្ដុំហ្វឹកហាត់នៅថ្ងៃទី១២ខាងមុខនេះហើយ ដើម្បីត្រៀមតទល់ជាមួយក្រុម SCG Muangthong United នៅថ្ងៃទី១៦ខាងមុខនេះ។

រូបភាពឆ្នាំមុន

ដូច្នេះមានន័យថាក្រុម Cambodian All Stars នឹងត្រូវហ្វឹកហាត់ជាមួយក្រុម U23 កម្ពុជាតែម្ដង ព្រោះក្រុមទាំងពីរនេះស្ថិតក្រោមការគ្រប់គ្រងបង្វឹកដោយលោក Leonardo Vitorino ។ ខណៈដែលពេលខាងមុខ គឺមានការប្រកួតសំខាន់ដូចគ្នា។ ក្រុម All Stars កម្ពុជា មានកីឡាករបរទេសចូលរួមច្រើនដែរ ប៉ុន្តែទន្ទឹមនឹងនោះក៏មានកីឡាករយុវជន U22 មួយចំនួនដែរ ដើម្បីជាការត្រៀមសមត្ថភាពរបស់ពួកគេ ទៅព្រឹត្តិការណ៍ស៊ីហ្គេមនាពេលខាងមុខ។

សូមបញ្ជាក់ថា កាលពីឆ្នាំ២០១៦កន្លងទៅ ក្រុម Muangthong United ប្រកួតចាញ់ K-Cement Cambodian All Star ក្នុងលទ្ធផល ៣-៤ នៅពហុកីឡដ្ឋានជាតិ ក្រោមក្រសែភ្នែកអ្នកគាំទ្រកម្ពុជារាប់ម៉ឺននាក់។ ខណៈដែលឆ្នាំនេះវិញ ក្រុមជើងឯកលីគកំពូលថៃ បានបញ្ជាក់ហើយថាពួកគេនឹងនាំកីឡាករល្អៗមកឱ្យច្រើន ដើម្បីធ្វើឱ្យការប្រកួតកាន់តែជក់ចិត្ត៕