ចូលទៅមើលរោងចក្រផលិតយន្តហោះ Boeing ធំបំផុតក្នុងលោក

2017-07-09 05:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រោងចក្រផលិតយន្តហោះ Everett ធំជាងសួនកម្សាន្ត Disneyland ទៅទៀត
បុគ្គលិកធ្វើការមានប្រមាណ ៣០ ០០០នាក់
សាងសង់ក្នុងឆ្នាំ ១៩៦៧ និងអាចទាក់ទាញក្រុមហ៊ុន Microsoft, Apple និង Amazon

រោងចក្រដំឡើងយន្តហោះ Boeing មានឈ្មោះ Everett នៅទីក្រុង Seattle រដ្ឋ Washington សហរដ្ឋអាមេរិក ត្រូវបានគេចាត់ទុកជារោងចក្រធំបំផុតក្នុងលោកទំហំជិត ១០០អា ឬស្មើនឹងទីលានបាល់ទាត់ ៥០ដង។

រោងចក្រនេះសាងសង់ឡើងក្នុងឆ្នាំ ១៩៦៧ ដើម្បីផលិតយន្តហោះ Boeing 747 ។ វត្តមានរបស់យន្តហោះ Boeing ក្នុងរោងចក្រ Everett កាន់តែច្រើន ធ្វើឲ្យម្ចាស់ជំនួញល្បីៗលំដាប់ពិភពលោកចាប់អារម្មណ៍សហការជាមួយសូម្បីក្រុមហ៊ុន Microsoft, Apple និង Amazon។

រោងចក្រនេះមានអ្នកមនុស្សរាប់ពាន់នាក់ទៅទស្សនាក្នុងមួយឆ្នាំៗដែលភាគច្រើនជាភ្ញៀវពិសេសដូចជា ប្រធានាធិបតីអាមេរិក អ្នកមុខអ្នកការបរទេស ម្ចាស់ជំនួញធំៗ (CEO) និងអវកាសយានិកជាដើម។

បុគ្គលិកនៅទីនេះ មានចំនួន ៣០ ០០០នាក់ធ្វើការផ្លាស់វេនគ្នា។ ដោយសារតែរោងចក្រធំ បុគ្គលិកមិនអាចដើរធ្វើការបានទេ គឺត្រូវជិះកង់មានកង់បី កង់ Segways ឬ រថយន្តប្រមាណ ៦ពាន់គ្រឿង ធ្វើដំណើរទៅមកក្រោមដំបូលរោងចក្រ។ សូមទស្សនាវីដេអូ និងរូបភាពខាងក្រោម៖