Spider-Man: Homecoming ទទួលបានចំណាក់ថ្នាក់លេខ១ ប្រចាំចុងសប្ដាហ៍ ឯប្រាក់ចំណូលឡើងកប់

2017-07-10 03:46:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថ្មីរបស់ផលិតកម្ម Marvel និង Sony គឺរឿង Spider-Man: Homecoming បានទទួលលទ្ធផលល្អលើសពីការរំពឹងទុកជាមួយនឹងចំណូលប្រហែល ១១៧លានដុល្លារសម្រាប់ចុងសប្ដាហ៍នៅសហរដ្ឋអាមេរិក។

Poster សម្រាប់រឿង Spider-Man: Homecoming

វគ្គ Homecoming នេះគឺជារឿងដំបូងក្នុងខ្សែរឿងថ្មី សម្រាប់បណ្ដាខ្សែរឿង Spider-Man ដែលបានចាប់ផ្ដើមកាលពី១៥ឆ្នាំមុន, ខណៈដែលខ្សែរឿងនេះធ្លាប់ថតសារឡើងវិញម្ដងជាមួយនឹងតារាសម្ដែង Andrew Garfield កាលពីឆ្នាំ ២០១៤។

សម្រាប់វគ្គថ្មីនេះ គេផ្ដោតសំខាន់ទៅលើជីវិតជាក្មេងជំទង់របស់ Spider-Man ដែលគេជ្រើសយក Tom Holland ជាតួអង្គ Spider-Man។ រឿងនេះក៏បានចូលរួមជាមួយកំពូលតារាសម្ដែង Robert Downey Jr. ដើរតួជា Tony Stark/Iron Man និងតារាសម្ដែង Michael Keaton សម្ដែងជាតួចិត្តអាក្រក់ Vulture។

តារាសម្ដែង Tom Holland

ភាពយន្តនេះចំណាយដើមទុនថតអស់ ១៧៥លានដុល្លារ ហើយទទួលបានប្រាក់ចំណូលមកវិញ ១៤០លានដុល្លារនៅខាងក្រៅសហរដ្ឋអាមេរិកសម្រាប់ចុងសប្ដាហ៍ ធ្វើឲ្យចំណូលសរុបទូទាំងពិភពលោកសម្រាប់ចុងសប្ដាហ៍គឺ ២៥៧លានដុល្លារ។

ចំណែកឯរឿង Despicable Me 3 ដែលជាភាពយន្តលេខ១សប្ដាហ៍មុនជាប់លេខ២វិញជាមួយនឹងចំណូល៣៤លានដុល្លារ ខណៈដែលរឿង Baby Driver ជាប់ចំណាត់ថ្នាក់លេខ៣ជាមួយនឹងចំណូល១២.៨លានដុល្លារ៕

ចុចអានអត្ថបទ៖

ប្រភព៖ Dailymail ប្រែសម្រួល៖ ធារ៉ូ