គួរពន្លត់ម៉ាស៊ីនពេលឈប់ស្តុបអត់?
- 2017-07-13 23:59:00
- ចំនួនមតិ 0 | ចំនួនចែករំលែក 0
គួរពន្លត់ម៉ាស៊ីនពេលឈប់ស្តុបអត់?
ចន្លោះមិនឃើញ
មានជំនឿតៗគ្នាមួយលើកឡើងថាការពន្លត់ម៉ាស៊ីនរថយន្ត ឬ ម៉ូតូពេលឈប់រង់ចាំភ្លើងស្តុបជាវិធីសាស្ត្រមួយអាចជួយសន្សំសំចៃប្រេងឥន្ធនៈបានមួយកម្រិត។
បើតាមការលើកឡើងរបស់លោក Tom Read របស់ក្រុមហ៊ុនរថយន្ត General Motors ឲ្យដឹងថាការពន្លត់ម៉ាស៊ីនពេលឈប់ស្តុបរយៈពេលយូរពិតជាអាចសន្សំសំចៃប្រេងឥន្ធនៈមែន។ ប៉ុន្តែបើពន្លត់ម៉ាស៊ីនពេលឈប់រង់ចាំស្តុបត្រឹមតែមួយរយៈខ្លីមិនមែនជារឿងល្អនោះទេ។
អ្នកជំនាញរូបនេះបញ្ជាក់ថាបើឈប់ស្ដុបនៅរយៈពេលលើសពី ១ ឬ ២ នាទី សឹមពន្លត់ម៉ាស៊ីន។ ចំពោះការឈប់រយៈពេលខ្លី (ប្រហែល ១០ – ១៥ វិនាទី) មិនចាំបាច់ពន្លត់ម៉ាស៊ីននោះទេ ព្រោះមិនអាចសន្សំសំចៃប្រេងឥន្ធនៈបានច្រើន ហើយការធ្វើដូចនេះញឹកញាប់ពេកធ្វើឲ្យប្រព័ន្ធបញ្ឆេះរបស់អ្នកឆាប់ខូចមុនអាយុកាលកំណត់”។
បច្ចុប្បន្ននេះនៅលើរថយន្ត និង ម៉ូតូស៊េរីថ្មីៗភាគច្រើនមានបំពាក់ប្រព័ន្ធឆ្លាតវៃដែលអាចពន្លត់ម៉ាស៊ីនបានដោយស្វ័យប្រវត្តិពេលយានយន្តនៅនឹងថ្កល់ក្នុងរយៈពេលណាមួយដែលប្រព័ន្ធបានកំណត់ ហើយមានការអះអាងថាបច្ចេកវិទ្យានេះអាចសន្សំសំចៃថាមពលបានមួយកម្រិត។ ប៉ុន្តែប្រព័ន្ធស្វ័យប្រវត្តិនេះមិនប៉ះពាល់ដល់ប្រព័ន្ធបញ្ឆេះនោះទេ ព្រោះគ្រាន់តែជាន់ ឬ មួលហ្គែរម៉ាស៊ីននឹងដំណើរការឡើងវិញ ដោយមិនបាច់មួលសោបញ្ឆេះជាថ្មី៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
