តារាស្រីហូលីវូដទាំង១០នេះត្រូវគេចាត់ទុកថា ជាតារាស្រីដែលត្រូវគេស្អប់ខ្លាំងជាងគេ!

2017-07-15 05:04:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីទាំង១០រូបនេះគឺត្រូវបានគេចាត់ទុកថា ជាបណ្តាតារាស្រីដែលត្រូវគេស្អប់ខ្លាំងជាងគេដោយសារតែបញ្ហាទាក់ទងជាមួយរឿងផ្ទាល់ខ្លួន ក៏ដូចជាភាពមិនយកចិត្តទុកដាក់របស់ពួកគេជាដើម។

ជាធម្មតានៅហូលីវូដរឿងមិនល្អតែបន្តិចក៏អាចក្លាយជាធំបានដែរ។ តារាល្បីៗនៅហូលីវូដជាច្រើនអាចត្រូវគេខឹងឫមិនពេញចិត្តគ្រាន់តែនិយាយពាក្យពេចន៍ខ្លះដែលគេមិនពេញចិត្តក្នុងកម្មវិធីសម្ភាសន៍ផ្សេងៗ ឫក៏សម្ដែងក្នុងរឿងមិនល្អ ឫក៏មានរឿងអាស្រូវផ្ទាល់ខ្លួន។ ទោះបីជាតារាទាំងនេះខ្លះសុទ្ធតែជាតារាល្បីនិងមានភាគជោគជ័យក្នុងអាជីពសិល្បៈខ្លាំង ក៏ពួកគេនៅតែស្ថិតនៅក្នុងតារាងតារាដែលគេស្អប់ខ្លាំងគ្រប់សម័យកាលដែរ។

១០. Kristen Stewart

តារាសម្ដែង Kristen Stewart ចាប់ផ្តើមល្បីខ្លាំងក្នុងរឿង "Twilight” ដែលជារឿងមួយដែលទទួលបានជោគជ័យខ្លាំងនៅលើ Box Office។ ប៉ុន្ដែនាងត្រូវបានគេមិនពេញចិត្តខ្លាំងនៅពេលដែលនាងក្បត់សង្សាររបស់នាងលោក Robert Pattinson ជាមួយនឹងអ្នកដឹងនាំរឿង "Snow White and the Huntsman” លោក Rupert Sanders។

៩. Julia Roberts

ទោះបីជាធ្លាប់ឈ្នះពានរង្វាន់អូស្ការនិងជាតារាម្នាក់ដែលល្បីខ្លាំងនៅហូលីវូដ Julia Roberts។ ប៉ុន្ដែនៅពេលនេះនាងលែងជាតារាដែលគេពេញចិត្តហើយ បើយោងទៅតាមសារព័ត៌មាន Cheat Sheet មានមនុស្សជាច្រើននិយាយថាការសមត្ថភាពសម្ដែងរបស់នាងត្រូវគេលើកតម្កើងហួសហេតុ។

៨. Jennifer Lopez

Jennifer Lopezចាប់ផ្ដើមអាជីពជាអ្នករាំ រួចជាតារាចម្រៀង រហូតមកដល់តារាសម្ដែង។ នាងត្រូវបានគេរិះគន់ជាច្រើនចំពោះចារឹកជាតារាល្បីរបស់នាង ដោយមិនមានភាពជិតស្និទ្ធជាមួយអ្នកគាំទ្រដូច មុន។

៧. Angelina Jolie

មិនខុសពី Julia Robert ប៉ុន្មានទេ Angelina Jolie ក៏ធ្លាប់ត្រូវគេមិនពេញចិត្តដែរដោយគិតថានាងត្រូវបានគេលើកដំកើងហួសហេតុពេក។ មិនត្រឹមតែប៉ុណ្ណោះ នាងធ្លាប់ត្រូវបានគេខឹងដោយចោទថា នាងគឺជាមូលហេតុដែលបណ្ដាលឲ្យស្នេហារបស់តារាសម្ដែង Brad Pitt និង Jennifer Aniston បែកបាក់។

៦. Gwyneth Paltrow

ដោយសារតែកែលែងលះរបស់នាងជាមួយនឹងសមាជិកក្រុមចម្រៀង Cold Play លោក Chris Martin តារាសម្ដែង Gwyneth Paltrow ត្រូវបានមនុស្សជាច្រើនមិនពេញចិត្ត។ មិនត្រឹមតែប៉ុណ្ណោះនាងក៏ធ្លាប់មានអ្នកមិនពេញចិត្តនឹងចារឹកលក្ខណៈសម្ដែងរបស់នាងតាំងពីដើមមកម្ល៉េះ។

៥.Anne Hathaway

មូលហេតុដែលពាក់ព័ន្ធនឹងរឿងដែលមនុស្សជាច្រើនមិនពេញចិត្ត Anne Hathaway គឺធ្វើឲ្យអ្នកខ្លះពិបាកនឹងយល់។ ប៉ុន្តែបើយោងទៅតាមសារព័ត៌មាន Cheat Sheet មូលហេតុនេះបណ្ដាលមកពី ចារឹករបស់នាងសម្ដែងចេញមកកាលពីនាងជាពិធីករកម្មវិធីប្រគល់ពានអូស្ការជាមួយតារាសម្ដែង James Franco។ នាងត្រូវបានគេនិយាយថា ពិតជាទម្រើសខ្លាំង។

៤. Megan Fox

អតីតតួឯកស្រីក្នុងរឿង "Transformer” ជាតារាម្នាក់ដែលទទួលបានការពេញនិយមនិងពេញចិត្តពីអ្នកមើលប្រុសៗដោយសារតែរូបសម្រស់ដ៏សិចស៊ីរបស់នាង។ ក៏ប៉ុន្តែដោយសារតែភាពចន្លោះប្រហោងក្នុងការសម្ដែងរបស់នាង បានធ្វើឲ្យអ្នកចូលចិត្តមើលរឿងជាច្រើនមិនពេញចិត្តនាងទាល់តែសោះ។

៣. Amanda Bynes

នាងធ្លាប់ជាតារាសំណប់របស់ អ្នកទស្សនាវ័យក្មេងៗ។ ក៏ប៉ុន្តែប៉ុន្មានឆ្នាំចុងក្រោយនេះ Amanda មានបញ្ហាជាច្រើនទាក់ទងនឹងផ្លូវចិត្ត ធ្វើសកម្មភាពប្លែកៗ ក៏ដូចជាប្រើប្រាស់គ្រឿងញៀន ព្រមទាំងបង្កបញ្ហាជាច្រើនដែលធ្វើអ្នកគាំទ្រនាង លែងខ្វល់ពីនាង។

២. Lindsay Lohan

មិនខុសពី Amanda ប៉ុន្មានទេ Lindsey គឺជាតារាម្នាក់ដែលល្បីតាំងពីវ័យក្មេង ប៉ុន្តែជីវិតរបស់នាងត្រូវបានផ្លាស់ប្ដូរទាំងស្រុងនៅពេលនាងពេញវ័យ។ នៅមួយទសវត្សចុងក្រោយនេះគេតែងតែឮព័ត៌មានមិនល្អពីនាង ហើយនាងក៏បានចូលរួមសម្ដែងរឿងខ្លះៗប៉ុន្តែសុទ្ធតែបរាជ័យ។

១. Katherine Heigl

ខណៈពេលកំពុងតែថតរឿង "Knocked Up” និង "Gray's Anatomy” តារាសម្ដែង Katherine Heigl ត្រូវបានគេនិយាយពាក្យចចាមអារ៉ាមពីនាងថា ជាតារាស្រីមិនល្អហើយធ្វើឲ្យគេមានភាពលំបាកធ្វើការជាមួយនឹងនាងខ្លាំង។ ទោះបីជានាងខិតខំកែខ្លួនជាច្រើន ប៉ុន្តែទស្សនិកជនរបស់ហូលីវូដគឺមិនសូវខ្វល់នឹងនាងទៀតឡើយ៕

ចុចអានអត្ថបទ៖

ប្រភព៖ Kenh14 ប្រែសម្រួល៖ ធារ៉ូ