កសិករនាំគ្នាស្ទូងស្រូវកណ្ដាលផ្លូវ ធ្វើឲ្យអាជ្ញាធរភ្លឺភ្នែក

2017-07-17 07:57:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកភូមិមានគ្នាប្រមាណជាង ៣០នាក់ទៅស្ទូងស្រូវកណ្ដាលផ្លូវ
ផ្លូវក្រហូងមានទឹកដក់ធ្វើឲ្យពិបាកធ្វើដំណើរ
ជាសារផ្ញើទៅអាជ្ញាធរឲ្យចុះជួលជុល

អ្នកភូមិក្នុងខេត្ត Isaan ប្រទេសថៃ បាននាំគ្នាក្រោកពីព្រលឹមទៅស្ទូងស្រូវកណ្ដាលថ្នល់កំពុងដក់ទឹក ដើម្បីតវ៉ានឹងអាជ្ញាធរដែលមិនអើពើជួយជួសជុលផ្លូវធ្វើដំណើរកំពុងខូចខាត។

អ្នកភូមិម្នាក់បានអះអាងថា ពួកគេធ្វើបែបនេះ គឺដោយសារឆ្អែតចិត្តនឹងផ្លូវលំពោរពេញទៅដោយភក់ ទឹកដក់កណ្ដាលផ្លូវដ៏ពិបាកធ្វើដំណើរ។ ប្រភពដដែលបន្តថា ភូមិជាច្រើនបានប្រើផ្លូវនេះ ពួកគេមានភាពលំបាកច្រើន ជាពិសេសរដូវវស្សា។ ផ្លូវប្រវែងជាង ៣គីឡូម៉ែត្រនេះ មានរណ្ដៅជម្រៅជាង ៣០សង់ទីម៉ែត្រ បង្កឡើងដោយសារទឹកភ្លៀង ហើយខែរាំងវិញ គឺដីហុយខ្លាំង។

អ្នកភូមិបានស្នើអាជ្ញាធរឲ្យជួសជុលផ្លូវជាច្រើនលើក ច្រើនសារ តែត្រូវថ្នាក់លើថា ពុំមានថវិកាគ្រប់គ្រាន់ ហើយការធ្វើលើកនេះ គឺជាសារមួយរៀបរាប់ពីផលលំបាកអ្នកភូមិ។

ការធ្វើសកម្មភាពប្លែកៗនៅតាមដងផ្លូវដក់ទឹកក្នុងប្រទេសថៃ គេតែងតែសង្កេតឃើញកើតមានជាបន្តបន្ទាប់នារដូវវស្សាដូចជា ស្ត្រីស្លៀកពាក់សិចស៊ី ងូតទឹកកខ្វក់តាមថ្លុកលើផ្លូវជាដើម ហើយក៏មានអាជ្ញាធរមកជួសជុលផងដែរ៕