Galaxy Note 8 ចេញខែក្រោយ អាចនឹងមានតម្លៃលើស ១០០០ ដុល្លារ

2017-07-18 13:05:31
ចំនួនមតិ 0 | ចំនួនចែករំលែក 0

ចន្លោះមិនឃើញ

- Note 8 នឹងចេញលក់នៅថ្ងៃទី ២៣ សីហា ២០១៧ ខាងមុខនេះ។

- Note 8 អាចនឹងដាក់លក់នៅអឺរ៉ុបតម្លៃខ្ទង់ £870 ស្មើនឹង $1120។

យោងតាមគេហទំព័រ pocket-lint បានបញ្ចេញព័ត៌មានសរុបពីការរចនារូបរាង បច្ចេកវិទ្យា ថ្ងៃចេញលក់ និងតម្លៃរបស់ Galaxy Note 8 ជាមួយតម្លៃខ្ទង់ £870 ស្មើនឹង $1120(តម្លៃបរទេស)។

រូបរាងគម្រូ Note 8

ប្រភពដដែលបន្តថា Galaxy Note 8 នឹងបង្ហាញខ្លួនក្នុងព្រឹត្តិការណ៍បង្ហាញផលិតផលប្រចាំឆ្នាំដែល Samsung នឹងធ្វើក្នុងទីក្រុងញូវយ៉ក សហរដ្ឋអាមេរិក ហើយស្មាតហ្វូនម៉ូដែល អាចចេញលក់នាខែកញ្ញា ២០១៧ នេះតែម្ដង។

គេហទំព័រ pocket-lint ក៏បានបញ្ជាក់ពីលក្ខណៈសម្បត្តិរបស់ Note 8 ដែលអាចនឹង៖

មានបំពាក់អេក្រង់រាងកោងទំហំ ៦,៣ អ៊ីញ ប្រភេទ Infinity Display ដូចនៅលើ Galaxy S8/S8+ ប៉ុន្តែវានឹងខុសពី Galaxy S8 ដោយដំបូងគឺ
មានប្រើប៊ិច S-Pen ដែលអាចនឹងបន្ថែមសមត្ថភាពពិសេសៗជាច្រើនលើសពីមុន។
មានបំពាក់កាមេរ៉ាភ្លោះនៅផ្នែកខាងក្រោយកម្រិត ១២ MP និង មាន RAM ទំហំដល់ ៦ GB ធំជាង S8 មាន RAM ត្រឹម ៤ GB
មានបំពាក់ឈីប Snapdragon 835 ឬ Exynos 8895 ដូចមានលើ Galaxy S8 ដែរ
មានទ្រនាប់ស្កេនក្រយៅដៃវិញនឹងស្ថិតនៅផ្នែកខាងក្រោយ ប៉ុន្តែអាចមានទីតាំងឆ្ងាយពីកាមេរ៉ាបន្តិច
ថាមពលថ្មមាន ៣៣០០ mAh តូចជាង Galaxy Note 7 ២០០ mAh។

រូបរាងគម្រូ Note 8

ទោះជាយ៉ាងណាក្ដី ទាំងនេះគ្រាន់តែព័ត៌មានចចាមអារ៉ាមខ្លះៗពីលក្ខណៈសម្បត្តិរបស់វា ដូចនេះ ដើម្បីចង់ដឹងច្បាស់ មានតែរង់ចាំទស្សនាទាំងអស់គ្នា ពេលប្រកាសចេញផ្លូវការនៅខែក្រោយនេះ៕