វីដេអូខ្លោចចិត្ត បងថ្លៃវាយប្អូនថ្លៃ ព្រោះសម្រាលបានកូនស្រី
- 2017-07-19 01:48:46
- ចំនួនមតិ 0 | ចំនួនចែករំលែក 0
វីដេអូខ្លោចចិត្ត បងថ្លៃវាយប្អូនថ្លៃ ព្រោះសម្រាលបានកូនស្រី
ចន្លោះមិនឃើញ
ស្ត្រីជនជាតិឥណ្ឌាម្នាក់រស់នៅទីក្រុង Katalwi រដ្ឋ Punjab ត្រូវបានបុរស ២នាក់ ព្រួតគ្នាវាយយ៉ាងធ្ងន់ធ្ងរ បន្ទាប់ពីសម្រាលបានកូនស្រី។
ស្ត្រីជនរងគ្រោះមានឈ្មោះ Meena Kashyap អាយុ ៣៥ឆ្នាំ ត្រូវបានបងថ្លៃវាយ ខណៈពេលមានជម្លោះថ្លៃបណ្ណាការ។ តាមរយៈវីដេអូ គេឃើញស្ត្រីសរសៃខ្ចីរូបនេះ ស្រែកយំទាំងឈឺចាប់ ពេលបុរសជាបងថ្លៃ រួមនឹងមិត្តគេម្នាក់ទៀត បានយកដំបងវាយកូនគោល មកវាយនាងគ្មានមេត្តា។
តាមសេចក្ដីរាយការណ៍ បងថ្លៃរូបនេះ បានទាមទារថ្លៃបណ្ណាការវិញចំនួន ១១ ០០០ដុល្លារ ចាប់តាំងពីនាងកើតបានកូនស្រី តែនាងមិនឲ្យ រហូតដល់ពេលនេះក៏កើតជាការវាយដំតែម្ដង។
ក្រោយកើតហេតុ អាជ្ញាធរប្រចាំតំបន់បានដាក់ពាក្យបណ្ដឹងចូលបំពាន និងធ្វើឲ្យរបួសដោយចេតនា ប្រឆាំងនឹងប្ដីស្ត្រីរងគ្រោះ លោក Daljit Singh និងបងថ្លៃ Kamaljeets រួមទាំងមិត្តភ័ក្ដិបងថ្លៃម្នាក់ទៀត។ តាមប្រភពពីឪពុកស្ត្រីរងគ្រោះបានអះអាងថា ពួកគេបានរៀបការរយៈពេល ២ឆ្នាំហើយ និងមានកូនស្រីម្នាក់ផងដែរ។
តាមប្រពៃណីឥណ្ឌា ពេលរៀបការ គ្រួសារកូនក្រមុំ គឺជាអ្នកចេញថ្លៃបណ្ណាការដូចជាប្រាក់ គ្រឿងអលង្ការ ឬរថយន្តឲ្យទៅគ្រួសារខាងប្ដី ដើម្បីសន្សំទុកធ្វើផ្ទះពេលរៀបការរួច ដូច្នេះកូនស្រីធ្វើឲ្យគ្រួសារភាគច្រើនមិនចង់បានឡើយ៕
ចុចអាន៖
រដ្ឋាភិបាលឥណ្ឌាប្រកាសឲ្យបញ្ឈប់សម្លាប់ និងហូបសាច់គោទូទាំងប្រទេស
ដំរីកម្សត់ដើរចេញទាំងជើងមិនជាប់ច្រវ៉ាក់លើកដំបូង ក្នុងរយៈពេល ៥០ឆ្នាំ