ចេញហើយ MV Idol ៥ដួងច្រៀងរួមគ្នា ពិតជារំភើបមិនសរសើរមិនបាន
- 2017-07-21 04:25:03
- ចំនួនមតិ 0 | ចំនួនចែករំលែក 0
ចេញហើយ MV Idol ៥ដួងច្រៀងរួមគ្នា ពិតជារំភើបមិនសរសើរមិនបាន
ចន្លោះមិនឃើញ
អម្បាញ់មិញនេះបទថ្មីនេះចំណងជើង "កម្លាំងចិត្តបេះដូងខ្មែរ" និពន្ធដោយលោក សួន ពិសិដ្ឋ និងច្រៀងដោយតារាចម្រៀង ៤នាក់ផ្សេងទៀតដូចជា ហេង ពិទូ អេដា ប្រុសឡា វង្ស តារារតនា រួមទាំងលោកផងដែរ ទើបតែចេញផ្លូវការហើយ។
តួយ៉ាងមួយបទនេះទម្រាំបានលេចចេញឡើងអ្នកនិពន្ធ សួន ពិសិដ្ឋ បានឲ្យដឹងថា ត្រូវប្រើរយៈពេលជាង១ខែ ព្រោះត្រូវឆ្លងទៅ ឆ្លងមកជាមួយតារាចម្រៀងទាំង៤ រួមជាមួយនឹងក្រុមហ៊ុនស្រាបៀរអង្គរ ជាពិសេសត្រូវធ្វើយ៉ាងណាឲ្យបទនេះចេញមកឆ្លុះបញ្ចាំងពីស្មារតីក៏ដូចជាផ្នត់គំនិតនៃការស្រលាញ់គ្នាជាធ្លុងមួយដោយមិនមានការបែងចែក។
"ធ្វើយ៉ាងណាមួយបទនេះឲ្យចេញមក ដើម្បីលើកទឹកចិត្ត ដល់កីឡាករ ម្យ៉ាងត្រូវប្រើអារម្មណ៍ពីតារាចម្រៀងទាំង៥រួមទាំងខ្ញុំ ធ្វើម៉េចឲ្យស៊ីទៅនឹងសាច់ភ្លេង សារពិសេសៗ ដែលពាក់ព័ន្ធនឹងស្មារតី ឆន្ទៈយើងជាខ្មែរតែ១"។ ម្ចាស់ពានអ្នកនិពន្ធឆ្នើមពីរឆ្នាំជាប់គ្នាពីកម្មវិធីអាណាចក្រតារាក្នុងឆ្នាំ២០១២ និងឆ្នាំ២០១៣ ថ្លែង។
អ្នកនិពន្ធល្បីឈ្មោះបានបញ្ចប់ការសិក្សាមកពីប្រទេស កាណាដា បានបន្ថែមទៀតថាបទនេះមានចម្រុះចុងចួនគ្នា មានពាក្យ ២ ៤ ៦ ៧ ជាដើម ដែលធ្វើឲ្យមានការពិបាក ព្រោះត្រូវប្រើសំឡេងខ្ពស់គ្រប់កន្លែង តែតារាទាំង៤ពួកគេសុទ្ធតែមានភាពអស្ចារ្យ ទេពកោសល្យនិងសំឡេងរៀងៗខ្លួន ជាហេតុធ្វើឲ្យបទនេះចេញមករលូន។
ចុចអាន៖ បទថ្មី ប្រុសឡា-អេដា ប្តូរស្ទីលច្រៀងសឹងតែ ១៨០ដឺក្រេ
កុំបង្អង់យូរទស្សនា Full MV "កម្លាំងចិត្តបេះដូងខ្មែរ" ក្នុងវីដេអូខាងក្រោមទាំងអស់គ្នា៖