រំជួលចិត្តបើសិនជាឃើញកំណត់ហេតុកូនប្រុស Chester សរសេរឲ្យឪពុកខ្លួន

2017-07-21 07:21:33
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី២ខែមិថុនានេះ កូនប្រុសរបស់លោក Chester Bennington គឺ Tyler Bennington បានសរសេរកំណត់ហេតុលើកទឹកចិត្តដល់ឪពុកខ្លួនដែលមើលទៅពិតជាគួរឲ្យរំជួលចិត្តខ្លាំង។

Chester និងកូនប្រុស Tyler

នៅក្នុងកំណត់ហេតុនេះ Tyler បានសរសេរពាក្យមួយឃ្លាដើម្បីលើកទឹកចិត្ត Chester ដែលជាឪពុកខ្លួនឲ្យស្រលាញ់ជីវិតនិងខិតខំជម្នះការពិបាកចិត្តផ្សេងៗ។

រូបថតកំណត់ហេតុនោះត្រូវបានបង្ហោះដោយភរិយារបស់លោក Chester គឺអ្នកនាង Talinda Bennington នៅលើបណ្តាញសង្គម Twitter។

កំណត់ហេតុដែល Tyler បានសរសេរ

នៅក្នុងកំណត់ហេតុនោះ Tyler សរសេរថា៖ "ប៉ា! សប្បាយចិត្តនឹងការសមចម្រៀងឫក៏អ្វីដែលប៉ាកំពុងតែធ្វើថ្ងៃនេះ។ ប៉ាត្រូវតែស្រលាញ់ជីវិតព្រោះវាគឺជា ប្រាសាទនៃកញ្ចក់ - Tyler”។

“ប្រាសាទនៃកញ្ចក់" គឺ Tyler ចង់សំដៅទៅលើបទចម្រៀងរបស់ក្រុមចម្រៀង Linkin Park បានបញ្ចេញកាលពីឆ្នាំកាលពីឆ្នាំ២០១២ "Castle of Glass” ដែលនិយាយអំពីការលំបាកនៅក្នុងជីវិតនិងការតស៊ូដើម្បីរស់នៅ។

នេះបញ្ជាក់ឲ្យឃើញថាសូម្បីតែកូនប្រុសរបស់លោកក៏បានដឹងអំពីរឿងរ៉ាវបាក់ទឹកចិត្តរបស់លោក Chester ផងដែរ ហើយខិតខំលើកទឹកចិត្តឪពុកជានិច្ច៕