Manchester United បាន​យក​ឈ្នះ​ Real Madrid ដោយ​ការ​ទាត់​បាល់​ប៉េណាល់ទី​កាត់​សេចក្ដី​ក្នុង​ការ​ប្រកួត​ ពាន​រង្វាន់​កម្ដៅ​សាច់ដុំ​ International Champions Cup។

ការ​ប្រកួត​ដែល​ធ្វើ​ឡើង​នៅ​ទីក្រុង​ Santa Clara រដ្ឋ​ California សហរដ្ឋ​អាមេរិក បើក​ឆាក​នៅ​វគ្គ​ទី​មួយ​ Man Utd មាន​ឱកាស​នាំ​មុខ​មួយ​គ្រាប់​មុន​ ដោយ Martial បាន​អូស​បាល់​ដាច់​ខ្សែ​ការពារ​ Real ជា​ច្រើន​នាក់​ហើយ​បញ្ជូន​ឲ្យ Jesse Lingard ស៊ុត​បញ្ចូល​ទី​នៅ​នាទី ៤៥។

នៅ​វគ្គ​ទី​ពីរ​ក្រុម​លោក​ Zidane វាយ​បក​តាម​ស្មើ​បាន​វិញ​នៅ​នាទី​៦៩ ជា​ការ​ស៊ុត​បាល់​ពិន័យ​១១​ម៉ែត្រ​របស់​ Casemiro បន្ទាប់​ពី​ Lindelof ទាក់​ជើង​ Theo Hernandez ដួល​នៅ​តំបន់​គ្រោះ​ថ្នាក់​ហើយ​ត្រូវ​អាជ្ញាកណ្ដាល​ពិន័យ។

ក្រោយ​ស្មើ​គ្នា​ ១-១ ​អាជ្ញាកណ្ដាល​​តម្រូវ​ឲ្យ​ទាត់​ប៉េណាល់ទី​ម្នាក់​៥​គ្រាប់​កាត់​សេចក្ដី​ ហើយ​ខាង​ Real ទាត់​ចូល​១​គ្រាប់​ប៉ុណ្ណោះ​ដោយ​៤​គ្រាប់​ទៀត​ត្រូវ​ De Gea ចាប់​បាន​២​ និង​ទាត់​ចេញ​២ ដោយ​ឡែក​ United វិញ​ស៊ុត​ចូល​ ២​គ្រាប់​ ធ្វើ​ឲ្យ​ចប់​ការ​ប្រកួត​ United ឈ្នះ​ Real ២-១៕

ប្រភព៖ telegraph   ប្រែ​សម្រួល៖ វីរ័ត្ន