ដូច​ដែល​យើង​​ដឹង​ស្រាប់​ហើយ Apple ផលិតទូរសព្ទ iPhone មួយ​គ្រឿងៗសម្រិត​សម្រាំង​ណាស់ មុន​នឹង​ដាក់​លក់​នៅ​លើ​ទីផ្សារ។ ប៉ុន្តែ​បញ្ហា​ជា​ច្រើន​ក៏​អាច​កើត​មាន​ បើ​យើង​ខ្លួន​ឯង​ប្រើប្រាស់​ពុំ​មាន​ការ​ប្រុងប្រយ័ត្ន។

ជុំវិញ​បញ្ហា​ខូច​ប៊ូតុង​បន្ថែម​បន្ថយសម្លេង និង​ប៊ូតុង Power ចុច​មិន​ដើរ​ ហើយបើ​​មិន​ចង់​អស់​លុយ​ជួសជុល​ផ្នែក Hardware អាច​មាន​ល្បិច​ពិសេស បើក​មុខងារ​សម្ងាត់​ប្រើ​ក៏​បាន។

+វិធី​ដំណើរការ​មុខងារ Assistive Touch

• ចូល​ទៅ Settings > General > Accessibility
• ចុច​លើ​ពាក្យ AssistiveTouch ហើយ​ចុច​ Turn On ដើម្បី​ឱ្យ​ដំណើរការ
• ពេល​នេះ អ្នក​នឹង​ឃើញ​គ្រាប់​ពណ៌​ស​មួយ​ លោត​នៅ​លើ​អេក្រង់

+វិធី​បើក​មុខងារ​សម្ងាត់ Lock, Volume Up/Down

• ចូល​ទៅ​កាន់ Settings > General > Accessibility
• ចុច Assistive Touch > រើស​យក Customize Top Level Menu
• ឥឡូវ​អ្នក​បញ្ចូល​នូវ​ជម្រើស​ជា​ច្រើន ដោយ​គ្រាន់​ចុច​សញ្ញា +

• ត្រង់​ផ្ទាំង​បន្ទាប់ សូម​រើស​យក Device ហើយ​ចុច Done (ជា​ការ​ស្រេច)

• ដល់​ពេល​ប្រើប្រាស់ អ្នក​គ្រាន់​តែ​ចុច​លើ​គ្រាប់​ពណ៌​ស លើ​ផ្ទៃ​អេក្រង់ ហើយ​ចុច Device អ្នក​នឹង​ឃើញ​មុខងារ​ជា​ច្រើន រួម​មាន​ Mute, Volume Up/Down និង Lock Screen ដែល​ការ​ធ្វើ​បែប​នេះ យើង​ពុំ​បាច់​ខ្វល់ខ្វាយ​រឿង​ប៊ូតុង​ពិត​ប្រាកដ​ខូច​ទៀត​នោះ​ឡើយ។​​

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត៖

• ពិត​ទេ iPhone ម៉ូដែល​កូដ TH/LL/ZA/ZP មាន​គុណភាព​ខុស​គ្នា?
• មក​ដឹង​អត្ថប្រយោជន៍ Telegram ដែល​អ្នក​មិន​ធ្លាប់​ចាប់​អារម្មណ៍ ​

ប្រភព៖ idropnews   ប្រែសម្រួល៖ កៅ រក្សា