Justin Bieber និយាយមួយម៉ាត់គាំទ្រឲ្យ Cruz Beckham ក្លាយជាអ្នកចម្រៀងល្បីម្នាក់

2017-07-24 07:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Justin Bieber គឺជាអ្នកគាំទ្រម្នាក់របស់តារាចម្រៀងវ័យ១២ឆ្នាំ Cruz Beckham និងព្រមទាំងគិតថាអាចក្លាយជាតារាចម្រៀងដ៏ល្បីម្នាក់នៅថ្ងៃអនាគត។

តារាចម្រៀងវ័យក្មេង Cruz Beckham

តារាចម្រៀង Justin Bieber

ថ្មីៗនេះ Cruz Beckham ដែលជាកូនប្រុសរបស់ David Beckham និង Victoria Beckham ទើបតែចុះកុងត្រាជាមួយអ្នកចាត់ការរបស់កំពូលតារាចម្រៀង Justin Bieber និង Ariana Grande លោក Scooter Braun។

បន្ទាប់ពីបញ្ចេញបទចម្រៀងមួយបទកាលពីរដូវបុណ្យគ្រីស្តម៉ាសឆ្នាំ ២០១៦ តារាវ័យក្មេងរូបនេះទទួលបាននូវការចាប់អារម្មណ៍ពីតារាវ័យ២៣ឆ្នាំ Justin Bieber ដែលបានប្រាប់ថានឹងចាំជួយផ្ដល់នូវដំបូន្មានផ្សេងៗ ពេលដែល Cruz ត្រូវការ។

Justin Bieber បានថ្លែងប្រាប់សារព័ត៌មាន Mirror កាលពីថ្ងៃអាទិត្យថា៖ "Cruz Beckham អាចក្លាយជាតារាកំពូលម្នាក់យ៉ាងពិតប្រាកដ ដោយសារតែមានឪពុកម្ដាយជាមនុស្សមានទេពកោសល្យរួចជាស្រេច ហើយ Cruz ក៏ជាក្មេងដែលពូកែផងនោះ ខ្ញុំនឹងជួយជ្រោមជ្រែងគេទាំងស្រុង។"

តារាចម្រៀងម្ចាស់បទ "Depsacito” ម្នាក់នេះក៏បានបញ្ជាក់ទៀតថា វាពិតជាសំខាន់ណាស់ចំពោះតារាវ័យក្មេង ដែលមានឪពុកម្ដាយជាគំរូល្អ ដូចគ្រួសាររបស់ Beckham ព្រោះខ្លួនគេផ្ទាល់ធ្លាប់ទទួលការលំបាកខ្លាំងទម្រាំមកដល់ពេលនេះ។

មិនត្រឹមតែទទួលបានការគាំទ្រពី Justin នោះទេ Cruz ក៏បានទទួលការគាំទ្រពីបងប្រុសខ្លួន Brooklyn Beckham ដែលពេលនេះគឺជាអ្នកនិពន្ធម្នាក់៕