ធ្ងន់ធ្ងរ! ចិនហាម Justin Bieber មិនឲ្យមកសម្ដែងក្នុងប្រទេស ដោយសារ...

2017-07-22 03:54:09
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវដ៏អាម៉ាស់មួយបានកើតឡើងម្ដងទៀតហើយ ចំពោះតារាចម្រៀង Justin Bieber ដែលត្រូវបានដាក់បម្រាមមិនឲ្យសម្ដែងនៅប្រទេសចិន ដោយសារចរិតមិនល្អ។

បើតាមសេចក្ដីប្រកាសរបស់ ក្រសួងវប្បធម៌ក្រុងប៉េកាំង "Beijing's Culture Bureau” បានបញ្ជាក់ថា មិនអនុញ្ញាតឲ្យតារាៗ រូបណាដែលមានអាកប្បកិរិយាមិនសមរម្យ មកសម្ដែងក្នុងប្រទេសចិនឡើយ។ ក្នុងនោះ ក្រសួងក៏បានលើកឡើងពី Justin ដោយបាននិយាយថា៖ "Justin Bieber គឺជាតារាចម្រៀងដ៏មានទេពកោសល្យម្នាក់ ប៉ុន្តែលោកក៏ជាតារាដែលមានរឿងចម្រូងចម្រាសច្រើនដែរ”។

“ពួកយើងសង្ឃឹមថា នៅពេល Justin Bieber មានចរិតចាស់ទុំ ការប្រើប្រាស់ពាក្យសម្ដី និងអាកប្បកិរិយារបស់លោកនឹងប្រសើរជាងនេះ ហើយលោកពិតជាក្លាយជាតារាចម្រៀងដែលសាធារណជនស្រលាញ់រាប់អានច្រើន”។ សេចក្ដីប្រកាសបន្ថែម។

គួរបញ្ជាក់ថា នេះមិនមែនជាលើកទី១ទេ ដែលម្ចាស់បទ "Baby” រូបនេះមានបញ្ហាក្នុងទ្វីបអាស៊ី ពោលកាលពីឆ្នាំ ២០១៤ លោកក៏ធ្លាប់មានរឿងក្នុងទីក្រុងតូក្យូដែរ។ ដោយឡែកទោះជាយ៉ាង ក៏ Justin Bieber នៅតែបន្តគម្រោងប្រគំតន្ត្រីទេសចរណ៍ដែរ ចាប់ពីខែកញ្ញាខាងមុខ ក្នុងទ្វីបអាស៊ី ក្នុងនោះមានប្រទេសជប៉ុន ទីក្រុងហុងកុង ប្រទេសហ្វីលីពីន ប្រទេសសិង្ហបុរី និងប្រទេសឥណ្ឌូណេស៊ីជាដើម៕

ចុចអាន៖

ប្រភព៖ BBC ប្រែសម្រួល៖ យី សុធារី