Toyota បង្វែរផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩

2017-07-25 02:15:29
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន Nikkei បានឲ្យដឹងថាក្រុមហ៊ុន Toyota អាចចាប់ផ្ដើមផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩។

ដោយឡែក កាលពីឆ្នាំ ២០១២ កន្លងទៅ Toyota ក៏ធ្លាប់ប្រកាសបង្ហាញរថយន្ត RAV4 EV ជាប្រភេទរថយន្តអគ្គិសនី SUV ដែលបំពាក់នូវថ្ម Lithium-ion ដែលទិញពី Teslaប៉ុន្តែលក់ដាច់បានត្រឹម ២,៥០០ គ្រឿងប៉ុណ្ណោះ រហូតធ្វើឲ្យក្រុមហ៊ុនជប៉ុនមួយនេះ បានផ្អាកការផលិតចោលមួយរយៈ។ យ៉ាងណាមិញរថយន្តដែលត្រៀមផលិតសារជាថ្មីនោះ អាចមានលក់តែក្នុងប្រទេសចិន ហើយមានចំនួនកំណត់ថែមទៀតផង។

ទន្ទឹមនឹងប្រទេសចិន ក៏ដូចទីផ្សារដទៃ កំពុងអនុវត្តលើច្បាប់តឹងតែងផ្នែកបរិស្ថាន ប្រជាជនចិនក៏បានស្នើឲ្យក្រុមហ៊ុនផលិតរថយន្តធំៗ គួរប្រាកដថានឹងផលិតតែរថយន្តអគ្គិសនី ជាមួយរថយន្ត Hybrid តែប៉ុណ្ណោះ។ អ្នកនាំពាក្យក្រុមហ៊ុន Toyota លោក Ryo Sakai បានប្រាប់ឲ្យដឹងថា ក្រុមហ៊ុនយើងកំពុងស្ថិតក្នុងគម្រោងត្រៀមបង្ហាញរថយន្ត EVs នៅប្រទេសចិននាប៉ុន្មានឆ្នាំបន្ទាប់។

រំលឹកថាកន្លងទៅ Toyota ក៏បានសម្លឹងពីគម្រោងរថយន្តហោះលើអាកាស ដែលក្រុមហ៊ុនបានវិនិយោគប្រមាណ ៤០ លានយេន (៣៥២,៩៨២ ដុល្លារ) លើគម្រោង Skydrive ដែលដឹកនាំដោយក្រុម Cartivator។ ក្រោយសិក្សាចប់ ពួកគេអាចនឹងបង្ហាញរថយន្តនោះក្នុងព្រឹត្តិការណ៍កីឡាអូឡាំពិករដូវក្ដៅ ក្នុងទីក្រុងតូក្យូ នាឆ្នាំ ២០២០៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ ibtimes ប្រែសម្រួល ៖ កៅ រក្សា