គ្រូជម្រើសជាតិ ៖ ក្នុងក្រុម U23 ពលរដ្ឋ មានបច្ចេកទេសច្រើនជាងគេ

2017-07-25 02:51:44
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo Vitorino គ្រូជម្រើសជាតិ និងគ្រូ U23 កម្ពុជាបង្ហើបថា ក្នុងចំណោមកីឡាករយុវជនជម្រើសជាតិក្រោមអាយុ ២៣ឆ្នាំកម្ពុជាកីឡាករ ច្រឹង ពលរដ្ឋ មានបទពិសោធច្រើនជាងគេ និងអាចផ្ដល់ការទុកចិត្តដល់ក្រុមក្នុងការទាត់បាល់ពិន័យ ១១ម៉ែត្រ ឬទាត់បាល់ពិន័យផ្សេងៗ។

លោក Leonardo Vitorino (មុខគេ)

គ្រូបង្វឹកសញ្ជាតិប្រេស៊ីលរូបនេះបានឲ្យដឹងថា ពលរដ្ឋ ជាកីឡាករម្នាក់ទទួលការបណ្ដុះបណ្ដាលផ្នែកទាត់បាល់ពិន័យផ្សេងៗ ឬទាត់បាល់ពិន័យ ១១ម៉ែត្រជាដើម។ មែនទែនទៅការផ្ដល់ឱកាសឲ្យកីឡាកររូបនេះទាត់បាល់ពិន័យ ១១ម៉ែត្រកាលប៉ះ ហ្វីលីពីន នោះគឺមកពីគេហាត់រៀងទាត់បាល់ពិន័យទាំងនេះកន្លងមករាល់ថ្ងៃ។

លោកបន្ថែមថា ប៉ុន្តែទោះការទាត់បាល់ពិន័យ ១១ម៉ែត្រទល់ ហ្វីលីពីន មិនបានសម្រេចក្ដីក៏លោកមិនមានគំនិតបន្ទោសទៅលើ ពលរដ្ឋ ឡើយ។ លោកគិតថា កំហុសដែលកើតឡើងដោយការប្រឹងប្រែងពិតប្រាកដវា នឹងអាចកែប្រែមកជាល្អវិញបានឲ្យតែកីឡាករគ្រប់រូបមានចិត្តចង់ធ្វើវា។

ការប្រកួតទល់ហ្វីលីពីននោះគឺ U23 កម្ពុជាយកឈ្នះ U23 ហ្វីលីពីន ១-០ ប៉ុន្តែកម្ពុជាទទួលបានឱកាសផ្ដល់បាល់ពិន័យ១១ម៉ែត្រនាកំឡុងចុងវគ្គទី១ ដែលទាត់ដោយ ច្រឹង ពលរដ្ឋ ប៉ុន្តែធ្វើមិនបានសម្រេច។ រហូតដល់នាទី៥៩ ទើប សុខ សំណាង រកបានមួយគ្រាប់ជួយកម្ពុជាយកឈ្នះ ១-០ ៕