កម្មវិធីទូរសព្ទល្អៗពីរ សុទ្ធតែឈ្នះមេដាយ តែអត់សូវមានអ្នកដឹង

2017-07-25 03:33:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Cambodian Driving Test ឬកម្មវិធីតេស្តសមត្ថភាពបើកបរសាកល្បង និងកម្មវិធី Cambodia Driving Rules ឬកម្មវិធីច្បាប់ចរាចរណ៍ផ្លូវគោក សុទ្ធតែជាកម្មវិធីល្អៗសម្រាប់ដាក់ឲ្យប្រើប្រាស់ដោយឥតគិតថ្លៃ ហើយថែមទាំងបានឈ្នះមេដាយរៀងខ្លួនផងដែរ។

កម្មវិធី Cambodian Driving Test

ជាកម្មវិធីដែលបង្កើតឡើងដោយក្រុមនិស្សិតថា្នក់វិទ្យាសាស្រ្តកុំព្យូទ័ររៀនឆ្នាំទី ៣ នៃសាកលវិទ្យាល័យន័រតុន ដែលបានឈ្នះមេដាយសំរិទ្ធពីប្រទេសម៉ាឡេស៊ីក្នុងកម្មវិធីការប្រកួតការស្រាវជ្រាវ និងការបង្កើតថ្មីផ្នែកវិទ្យាសាស្ត្រ (IDRIS 2017) នាពេលកន្លងទៅថ្មីៗ។

លក្ខណៈពិសេសនៃកម្មវិធី (Cambodian Driving Test) អាចឲ្យអ្នកសាកល្បងដឹងថា មានសមត្ថភាពប្រលងជាប់ ឬធ្លាក់ ព្រមទាំងមានសំណួរចម្លើយ និងការប្រលងសាកល្បងចំណេះដឹងទូទៅទាក់ទងនឹងច្បាប់មុនចូលប្រលងមែនទែន។

អាចដោនឡូតបានដោយឥតគិតថ្លៃលើ App Store និង Play Store

កម្មវិធី Cambodia Driving Rules

ជាកម្មវិធីបង្កើតឡើងដោយក្រសួងសាធារណការ និងដឹកជញ្ជូន ដែលបានឈ្នះមេដាយសំរិទ្ធដូចគ្នា និងទទួលបានទឹកប្រាក់ចំនួន ១ ០០០ ដុល្លារបន្ថែមទៀតក្នុងការប្រកួតកម្មវិធី Cambodia ICT Award 2017 ដែលធ្វើឡើងនៅក្នុងប្រទេសកម្ពុជា។

កម្មវិធីនេះរួមជាមួយ ប្រព័ន្ធចុះបញ្ជីយានយន្តអនឡាញ មានលក្ខណៈពិសេសជាប្រពន្ធ័ថ្មីមួយអនុញ្ញាតិឲ្យពលរដ្ឋចុះឈ្មោះរថយន្តរបស់ពួកគេតាមរយៈអនឡាញ ដែលជួយសន្សំសំចៃពេលវេលា ថវិការនិងលុបបំបាត់ជាលំដាប់នូវការបង់ប្រាក់ក្រៅផ្លូវការ។ ការចុះឈ្មោះនិងទូទាត់ប្រាក់តាមប្រព័ន្ធអ៊ីនធើណិត មួយថ្ងៃ ឬពីរថ្ងៃក្រោយមក ប្រជាពលរដ្ឋអាចទទួលបានប័ណ្ណសំគាល់យានយន្ត និងស្លាកលេខ។

អាចដោនឡូតបានដោយឥតគិតថ្លៃលើ App និង Play Store

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

អត្ថបទ៖ រក្សា