ហេតុផលនេះហើយទើបគូស្នេហ៍ Song-Song ប្រកាសដំណឹងរៀបការភ្លាមៗ

2017-07-25 04:09:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ តារាសម្ដែង Song Joong Ki បានបង្ហើបពីរឿងមួយទាក់ទងនឹងការសុំរៀបការរបស់លោកទៅកាន់មនុស្សស្រីជាទីស្រលាញ់ Song Hye Kyo។

នេះជាហេតុផលពិតពីក្រោយការប្រកាសពិធីមង្គលនេះឡើង៖

ទាក់ទងនឹងចំណុចនេះ តួឯកក្នុងរឿង "Descendants of the Sun” បាននិយាយថា លោកគឺជាអ្នកសុំតារាស្រី Song Hye Kyo រៀបការមុន។ គំនិតរបស់លោក គឺចង់ប្រកាសដំណឹងមង្គលនេះ ក្រោយសម្ពោធរឿងថ្មីដែលមានចំណងជើងថា "The Battleship Island" រួចរាល់។

“ខ្ញុំបានប្រាប់ទៅ Hye Kyo ថាខ្ញុំចង់ក្លាយជាមនុស្សដំបូងបង្អស់ ដែលប្រកាសដំណឹងរៀបការ ព្រោះខ្ញុំចង់ឲ្យគ្រប់គ្នាជ្រាបពីរឿងនេះ ក្រោយរឿងថ្មី 'The Battleship Island' សម្ពោធហើយ។ ទោះជាយ៉ាងណា ជីវិតមិនមែនតែងតែ រលូនទៅតាមអ្វីដែលអ្នកគ្រោងទុកទេ ហើយពេលខ្ញុំប្រាប់ Hye Kyo ថាយើងគួរប្រកាសតែម្ដង ពេលនោះខ្ញុំក៏សុំអភ័យទោសដែរ ដែលការពិតត្រូវបានលាតត្រដាង មុនរឿងដាក់បញ្ចាំងទៅទៀត"។ Song Joong Ki និយាយ។

យ៉ាងណាក្ដី តារាប្រុសរូបនេះបានសម្រេចចិត្តច្បាស់ថា វាដល់ពេលដែលត្រូវបង្ហាញហើយមុនពាក្យចចាមអារ៉ាមខ្ចរខ្ចាយ។

អ្វីដែលកាន់តែរំភើប គឺពេលដែលលោកបង្ហើបថាពីអារម្មណ៍ជិតរៀបការ៖ "ខ្ញុំស្ទើរតែមិនចង់ជឿថា ខ្ញុំជិតរៀបការ។ មនុស្សដែលរៀបការហើយ ប្រាប់ខ្ញុំថា អារម្មណ៍ដូចមិនស្មានថាមង្គលការអាចកើតឡើងទាល់តែសោះ បើទោះដល់ការថ្ងៃការមែនទែនក៏ដោយ។ រឹតតែរំភើប និងភ្ញាក់ផ្អើលបំផុតនោះ គឺនៅពេលដែលមានមនុស្សជាច្រើនអបអរមង្គលការរបស់ខ្ញុំ"។