Song Joong Ki បង្ហាញខ្លួន និងផ្ដល់បទសម្ភាសន៍រឿងស្នេហាជាលើកដំបូង ក្រោយប្រកាសថ្ងៃរៀបការ

2017-07-09 07:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ០៧ខែកក្កដា កន្លងទៅ Song Joong Ki អនាគតស្វាមីរបស់ តារាស្រី Song Hye Kyo បានបង្ហាញខ្លួនជាលើកដំបូង ក្រោយព័ត៌មានរៀបការផ្សព្វផ្សាយខ្ទរខ្ទារពេញពិភពលោក។

តួឯកប្រុសក្នុងរឿង "Descendants of the Sun" បានចូលរួមកម្មវិធីមួយសម្រាប់រឿងថ្មីរបស់លោកដែលនឹងបញ្ចាំងក្នុងពេលឆាប់ៗនេះ មានចំណងជើងថា "Battleship Island”។ នៅថ្ងៃនោះដែរ តារាប្រុសរូបនេះខំឈរហាលភ្លៀងថ្លែងការអរគុណដល់អ្នកដែលបានចូលរួមកម្មវិធីនៅថ្ងៃនោះ។ ជាមួយគ្នានោះ លោកបានផ្ដល់បទសម្ភាសន៍ដ៏ខ្លីមួយ ដោយបានលើកឈ្មោះគូដណ្ដឹងរបស់លោកមកនិយាយទៀតផង។

នៅពេលដែលអ្នកកាសែតសួរថា តើអ្វីខ្លះជាចំណុចពិសេសរបស់ Song Hye Kyo? លោកក៏បានឆ្លើយភ្លាមថា៖ "មនុស្សជាច្រើនបានដឹងរួចមកហើយ ថា Hye Kyo ជាមនុស្សម្នាក់ដែលស្ងប់ស្ងាត់។ នាងចេះគិតសព្វគ្រប់ ហើយតែងផ្ដល់ជាកម្លាំងចិត្តមកឲ្យខ្ញុំ។ មួយវិញទៀតដោយសារនាង គឺជាសិស្សច្បង ខ្ញុំបានរៀនសូត្រពីនាងបានច្រើន។ ខ្ញុំទទួលអារម្មណ៍ថា មានថាមពលខ្លាំងក្លាណាស់ពីនាង”។

មុនបញ្ចប់បទសម្ភាសន៍ Joong Ki ក៏បានថ្លែងអំណរគុណដល់អ្នកគាំទ្រទាំងអស់ ដែលបានអបអរសាទរចំពោះអាពាហ៍ពិពាហ៍ របស់លោកនៅថ្ងៃខាងមុខដែរ៕