ឆ្លើយ​បាន​ទេ​ ​តើ​កាមេរ៉ា​មាន​ប៉ុន្មាន​ប្រភេទ?

  • 2017-07-27 02:31:02
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ពេល​នរណា​ម្នាក់​ចង់​ទិញ​កាមេរ៉ា​ ​គឺ​តែង​តែ​លើក​ថា​ ​តើ​កាមេរ៉ា​ណា​ដែល​ល្អ? តើ​កាមេរ៉ា​ណា​ដែល​ខ្ញុំ​គួរ​ទិញ? សំនួរ​ទាំង​នេះ​ពិបាក​រក​ចម្លើយ​បន្តិច​ ​ព្រោះ​អ្នក​គួរ​តែ​ដឹង​អំពី​ប្រភេទ​កាមេរ៉ា​ដែរ​មាន​លើ​ទីផ្សារ​ ​ដើម្បី​ងាយ​ដឹង​ថា​ ​តើ​ប្រភេទ​ណា​ដែល​អ្នក​ត្រូវ​ការ​ ​ខណៈ​កាមេរ៉ា​ទាំង​នោះ​មាន​ដូច​ខាង​ក្រោម ៖

១)​ ​កាមេរ៉ា​ ​DSLR

មាន​ពាក្យ​ពេញ​ថា​ ​Digital Single Lens Reflex​ ​ជា​កាមេរ៉ា​ដែល​មាន​សមត្ថភាព​ខ្ពស់​ ​ហើយ​និយម​ប្រើប្រាស់​សម្រាប់​អ្នក​ថត​រូប​អាជីព។

  • កាមេរ៉ា​ ​DSLR​ ​អាច​ប្រើប្រាស់​ ​Automatic mode​ ​រួច​ចុច​ថត​រូប​តែ​ម្ដង​ ​ហើយ​ក៏​អាច​ប្រើប្រាស់​ ​Manual mode, Aperture Priority, Shutter Priority, ឬ Program mode​ ​ដែល​អាច​ផលិត​រូបភាព​បាន​ល្អ​ក្នុង​ទម្រង់​ខុស​ៗ​គ្នា។
  • អ្នក​អាច​ផ្លាស់ប្ដូរ​ ​Lens​ ​លើ​កាមេរ៉ា DSLR ទៅ​តាម​ស្ថានភាព​ ​និង​ទិដ្ឋភាព​ដែល​អ្នក​ចង់​ផ្ដិត​យក​ ​ឧទាហរណ៍​ ​Lens​ ​ប្រភេទ​ ​Fixed focal length 28mm​ ​សម្រាប់​ទិដ្ឋភាព​មាន​មុំ​ធំ​ ​និង​ ​Fixed focal length telephoto 200mm ដែល​ទាញ​ទិដ្ឋភាព​ឆ្ងាយ​ៗ​ឲ្យ​មក​ជិត។

២)​ ​កាមេរ៉ា​ ​Compact System/Mirrorless Interchangeable Lens

  • Mirrorless Interchangeable Lens​ ​អាច​ប្រើប្រាស់​ជា​មុខងារ​ ​Manual, automatic ឬ semi-automatic mode ដែល​ដូច​នឹង​កាមេរ៉ា DSLR។
  • រោងចក្រ​ខ្លះ​ផលិត​កាមេរ៉ា​នេះ ដោយ​ប្រើ​ឈ្មោះ Compact System ខណៈ​រោងចក្រ​ខ្លះ​ប្រើ​ឈ្មោះ Mirrorless Interchangeable Lens ប៉ុន្តែ​សំដៅ​លើ​ប្រភេទ​កាមេរ៉ា​តែ​មួយ​ទេ​។
  • កាមេរ៉ា​នេះ​អាច​ប្ដូរ​ ​Lens បាន​ដូច​នឹង​កាមេរ៉ា DSLR ដែរ តែ​មាន​ទំហំ​តូច​ជាង។
  • តួ​កាមេរ៉ា​នេះ​មាន​ទំហំ​តូច​ ​ដោយសារ​វា​គ្មាន​ ​Optical viewfinder ដូច​នឹង​កាមេរ៉ា DSLR នោះ​ទេ។ Optical viewfinders លើ​កាមេរ៉ា DSLR ប្រើ​ប្រព័ន្ធ mirrors និង​ ​pentaprism ដែល​អាច​ឲ្យ​* អ្នក​មើល​ទិដ្ឋភាព កំឡុង​ពេល​ថត​បាន​។ កាមេរ៉ា Mirrorless Interchangeable Lens មិន​មាន​ប្រព័ន្ធ mirror នោះ​ទេ​។
  • អេក្រង់ LCD ឬ Electronic Viewfinder ប្រើ​សម្រាប់​បង្ហាញ​ទិដ្ឋភាព កំឡុង​ពេល​ថត។
  • Lens លើ​កាមេរ៉ា​ ​Mirrorless អាច​ផ្លាស់ប្ដូរ ប៉ុន្តែ​វា​ប្រើ​ ​Lens ទំហំ​តូច​ជាង កាមេរ៉ា DSLR។ 
  • កាមេរ៉ា Mirrorless មាន image sensors ទំហំ​តូច​តែ​មាន​គុណភាព​រូបភាព​ស្រដៀង​នឹង​កាមេរ៉ា​ ​DSLR មួយ​ចំនួន។
  • កាមេរ៉ា​ ​Mirrorless​ ​អាច​ប្រើ​សម្រាប់​អ្នក​ដែល​ចង់​បាន​គុណភាព​ស្រដៀង​នឹង​កាមេរ៉ា DSLR តែ​មាន​ទំហំ​តូច។

៣)​ ​កាមេរ៉ា​ ​Compact Digital

ហៅ​ម្យ៉ាង​ទៀត​ថា​ ​កាមេរ៉ា​តម្រង់​រួច​ថត​តែ​ម្ដង​ ​ដែល​មាន​ភាព​ខុស​គ្នា​ទៅ​តាម​ប្រភេទ​នីមួយៗ​ ​លើ​មុខងារ​ ​តម្លៃ​ ​និង​រូបរាង។

  • កាមេរ៉ា​នេះ​មាន​រាង​តូច​ល្មម​ ​ងាយស្រួល​យក​តាម​ខ្លួន​ ​ហើយ​អាច​ដាក់​ក្នុង​ហោប៉ៅ​បាន។
  • កាមេរ៉ា​ ​Compact​ ​ប្រើប្រាស់​ ​zoom Lens ដែល​អាច​ពង្រីក​តិច​បំផុត​បាន ៣ដង ហើយ​យ៉ាង​ហោច​ណាស់​មាន​ទំហំ​ ​១២megapixels​ ​ដែល​មាន​កម្រិត​គុណភាព​រូបភាព​ល្អ អាច​ផ្ដិត​បាន​ទំហំ​ ​១៦x២០អ៊ីញ។
  • កាមេរ៉ា​ ​Compact​ ​ថ្មីៗ​ប្រើប្រាស់​ ​Automatic mode​ ​ដែល​ល្អ​សម្រាប់​អ្នក​ថត​រូប​កម្រិត​ដំបូង​ ​ដោយ​គ្រាន់​តែ​តម្រង់​ ​រួច​ថត​រូប​តែ​ម្ដង។
  • សម្រាប់​ ​Automatic mode កាមេរ៉ា​ ​Compact​ ​មាន​នូវ​ ​Scene mode មួយ​ចំនួន​រួម​មាន ​ ​Landscape, Portrait, Sports និង​ ​Fireworks ដែល​ងាយស្រួល​ក្នុង​ការ​ប្រើប្រាស់​ទៅ​តាម​* * * * ស្ថានភាព​អ្នក​ចង់​ថត ដោយ​មិន​បារម្ភ​ចំពោះ​ការ​កំណត់​ ​Exposure។
  • ចំពោះ​ ​Shutter speed ឬ Aperture​ ​នៅ​លើ​កាមេរ៉ា​ប្រភេទ​នេះ​មិន​អាច​កំណត់​ដោយ​អ្នក​ប្រើប្រាស់​នោះ​ទេ​ ​ពោល​គឺ​កំណត់​ដោយ​ស្វ័យប្រវត្តិ​ដើម្បី​ធ្វើ​ឲ្យ​ងាយស្រួល​ដល់​ការ​ថត​រូប​ដែល​ប្រើ​ ​Settings​ ​ស្រាប់​ៗ​ភាគច្រើន​តែ​ក៏​អាច​ផលិត​រូបភាព​បាន​ល្អ​ដែរ។

៤)​ ​កាមេរ៉ា​ ​Bridge Compact Digital/Super Zoom

  • កាមេរ៉ា​ ​Bridge ឬ​ភាគច្រើន​ស្គាល់​ថា​ជា កាមេរ៉ា Compact កម្រិត​ខ្ពស់ ដែល​មាន​កម្រិត​លើ​កាមេរ៉ា​ ​Compact ធម្មតា ហើយ​អ្វី​ដែល​ខុស​គ្នា​ត្រង់​កាមេរ៉ា​ ​Bridge អាច​គ្រប់គ្រង​បាន​ច្រើន​លើ​ ​exposure settings។
  • មាន​មុខងារ​ ​Semi automatic, Aperture Priority, Shutter Priority និង Program mode។ ម្យ៉ាងទៀត​ ​ភាគច្រើន​កាមេរ៉ា​ប្រភេទ​នេះ​ ​មាន​ ​Manual mode ដែល​អាច​ឲ្យ​អ្នក​គ្រប់គ្រង​បាន​កាន់​តែ​ច្រើន​លើ​ ​Exposure settings។
  • ប្រើ​ ​Lens​ ​អាច​ពង្រីក​បាន​ឆ្ងាយ​ជាង​កាមេរ៉ា​ដទៃ​ទៀត​ ​ដែល​ដល់​ទៅ​ ​៥០​ ​ដង​ឯណោះ​ ​ហើយ​គេ​ហៅ​ថា​កាមេរ៉ា​ ​Super Zoom។
  • Lens លើ​កាមេរ៉ា​ ​Bridge​ ​មិន​អាច​ប្ដូរ​បាន​ទេ។
  • ​ភាគច្រើន​មាន​ ​Image sensor ទំហំ​តូច និង​ ​Lens មាន​ទំហំ​តូច​ជាង Lens ដែល​មាន​លើ​កាមេរ៉ា DSLR។
  • ទំហំ​ធំ​ជាង កាមេរ៉ា Compact ធម្មតា តែ​តូច​ជាង​កាមេរ៉ា DSLR។ កាមេរ៉ា Bridge ខ្លះ​មាន​រូបរាង​ស្រដៀង​នឹង​កាមេរ៉ា​ ​DSLR ប៉ុន្តែ​ភាគច្រើន​មាន​រូបរាង​ដូច​នឹង​កាមេរ៉ា​ ​Compact ធម្មតា ដោយ​គ្រាន់​តែ​ធំ​ជាង​បន្តិច​ប៉ុណ្ណោះ។
  • កាមេរ៉ា Bridge ល្អ​សម្រាប់​អ្នក​ថតរូប​ដែល​ចង់​គ្រប់​គ្រង​លើ exposure setting និង zoom បាន​ឆ្ងាយ ដែល​មាន​តម្លៃ​ធូរ​ថ្លៃ​ជាង​កាមេរ៉ា​ ​DSLR៕

ដោយ​ឡែក​ ​កាមេរ៉ា​ទាំង​អស់​ខាង​លើ​នេះ​ ​គ្រាន់​ជា​ប្រភេទ​មួយ​ចំនួន​ដែល​គេ​និយម​ប្រើប្រាស់​សម្រាប់​ការ​ថត​រូប​ ​និង​វីដេអូ​ទូទៅ​ប៉ុណ្ណោះ​ ​ខណៈ​នៅ​មាន​ប្រភេទ​ជា​ច្រើន​ទៀត​ដូច​ជា​ ​កាមេរ៉ា​​ ​Action (GoPro), កាមេរ៉ា​សុវត្ថិភាព​ ​(CCTV), កាមេរ៉ា​មើល​តាម​អ៊ីនធឺណិត​ ​(IP Camera), កាមេរ៉ា​បង្កប់ (Trap Camera)​ ​និង​កាមេរ៉ា​របស់​ស្មាតហ្វូន​ជា​ដើម៕

CCTV

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ easybasicphotography   ប្រែសម្រួល ​៖ ប៊ុន ធឿន

អត្ថបទពេញនិយម
អត្ថបទថ្មី