Angelina Jolie សុខចិត្តគ្រាំទ្រូង ពួនយំតែឯងក្នុងបន្ទប់ទឹក

2017-07-27 02:51:36
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវ ក្ដីក្ដាំលែងលះគ្នារវាង កំពូលតារាហូលីវូដ Angelina Jolie និងអតីតស្វាមី Brad Pitt នៅតែជាបញ្ហាវិលវល់ក្នុងអារម្មណ៍អតីតគូស្នេហ៍នេះ មិនទាន់រសាត់ភ្លាមៗទេ។

ថ្លែងចំពោះបញ្ហានេះ តារាស្រីកូន ៦រូបនេះក៏បានទទួលស្គាល់ថា វាជាពេលដ៏លំបាក៖ "ខ្ញុំពិតជាបារម្ភពីម្ដាយរបស់ខ្ញុំណាស់ ពេលធំដឹងក្ដីច្រើន ដូច្នេះហើយទើបខ្ញុំមិនចង់ឲ្យកូនៗរបស់ខ្ញុំព្រួយពីខ្ញុំខ្លាំង”។

តារាស្រីវ័យ ៤២ឆ្នាំរូបនេះបានបន្ត៖ "ខ្ញុំគិតថា វាក៏ល្អដែរ បើយំក្នុងពេលងូតទឹក វាប្រសើរជាងយំចំពោះមុខពួកគេ (កូនៗ) ពួកគេចាំបាច់ត្រូវដឹងថា អ្វីគ្រប់យ៉ាងនឹងប្រសើរឡើងវិញនៅពេលខាងមុខ”។

និយាយក្នុងបទសម្ភាសន៍មួយជាមួយវិបសាយ Vanity Fair អ្នកម្ដាយរូបនេះបានបង្ហើបថា ខ្លួននៅតែមានការខ្វល់បារម្ភពី Brad Pitt ហើយអ្នកទាំង២ កំពុងធ្វើកិច្ចការខ្លះដើម្បីទិសដៅមួយរួមគ្នាដែរ គឺថែរក្សាគ្រួសារដែលមានកូន ៦ក្នុងបន្ទុករបស់ពួកគេ។

រូបភាពពីអតីតកាល

Brad Pitt និង Angelina Jolie កាលនៅជុំគ្នា

ជាការពិតណាស់ អតីតប្ដីប្រពន្ធតារាហូលីវូដទាំង ២ បានធ្វើឲ្យមជ្ឈដ្ឋានទូទៅភ្ញាក់ផ្អើលជាខ្លាំង ទាក់ទងនឹងដំណឹងលែងលះរបស់ពួកគេកាលពីខែកញ្ញា ឆ្នាំ ២០១៦។ ប៉ុន្តែបើទោះសម្រេចចែកផ្លូវគ្នាក៏ពិតមែន ក៏ Jolie បានស្នើទៅតុលាការផ្ដល់សិទ្ធិឲ្យទៅឪពុករបស់កូនទាំង ៦នាក់របស់នាង អាចទៅលេង ឫសួរសុខទុក្ខតាមធម្មតាបាន នេះគឺជាអ្វីដែលនាងនិងអតីតស្វាមី ចង់ផ្ដល់ពេលរីករាយដល់កូនៗជាទីស្រលាញ់របស់នាង៕

ចុចអាន៖

ប្រភព៖ Metro ប្រែសម្រួល៖ យី សុធារី