Angelina Jolie ឆ្លើយតបរឿងប្រើប្រាស់លុយដើម្បីរើសតួកុមារកម្ពុជា

2017-07-31 09:50:06
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងផលិតករ Angelina Jolie បាននិយាយថា រឿងរ៉ាវដែលទាក់ទងនឹងនាងប្រើប្រាស់លុយដើម្បីជ្រើសរើសក្មេងដើម្បីសម្ដែងនៅក្នុងរឿង"First They Killed My Father" គឺមិនមែនជាការពិតទេ ហើយវាគឺរឿងដ៏គួរឲ្យសោកស្ដាយ។

ដោយសារតែសម្រង់ពាក្យសម្ដីខ្លះៗដែល Angelina បាននិយាយសម្រាប់ទស្សនាវដ្ដី Vanity នាងត្រូវបានគេរិះគន់ដោយសារតែមធ្យោបាយក្នុងជ្រើសរើសតួ មានលក្ខណៈឃោរឃៅនិងមិនអាចទទួលយកបាន។

អត្ថបទនោះបានបកស្រាយពីឈុតឆាកមួយដែលអ្នកដឹកនាំរឿង (Angelina) តម្រូវឲ្យតួអង្គក្មេងស្រី ទទួលយកលុយ ហើយក៏យកពីពួកគេវិញ ដើម្បីជ្រើសរើសតួឲ្យសមនឹងសាច់រឿង។

Angelina និងលោក Rithy Panh ដែលជាផលិតករបានឆ្លើយតបកាលពីថ្ងៃអាទិត្យនេះចំពោះការចោទប្រកាន់ថា ដំណើរផលិតរឿងនេះមានលក្ខណៈមិនល្អ ទៅកាន់អ្នកដំណាងក្រុមហ៊ុន Netflix ដែលបានផលិតនិងចែកចាយរឿងនេះ។

“ខ្ញុំមិនសប្បាយចិត្តទេ ដែលតាមពិតវាគឺជាឈុតឆាកត្រូវសម្ដែងតាមប៉ារ៉ូលនៅក្នុងសាច់រឿងសោះ ហើយសារព័ត៌មានទាំងនោះ សរសេរឡើងឲ្យវាមើលទៅដូចជាកើតឡើងមែនទែនអីចឹង"។

“ការលើកឡើងដែលថាលុយពិតប្រាកដបានយកពីក្មេងវិញក្នុងអំឡុងពេលសាកល្បងសម្ដែងរើសតួនោះ គឺមិនពិតទាល់តែសោះ។ ខ្ញុំប្រាកដជាខឹងជាខ្លាំង បើសិនជារឿងនេះបានកើតឡើងពិតមែន។"

អ្នកនាង Angelina បន្តទៀតថា ឪពុកម្ដាយ អ្នកមើលការពារ និងគ្រូពេទ្យបាននៅទីតាំងថតជារៀងរាល់ថ្ងៃដើម្បី មើលថែក្មេងៗទាំងនោះ ដើម្បីឲ្យប្រាកដថាគ្មាននរណាម្នាក់មានគ្រោះថ្នាក់ដោយសារចូលរួមថតរឿងនេះ។

លោក Rithy Panh ដែលជាផលិតករក៏បានបញ្ជាក់ដែរថា ក្មេងៗទាំងនោះមិនបានត្រូវបានគេធ្វើល្បិចឫអ្វីមិនសមរម្យទៅកាន់ឡើយ។ ពូកគេបានយល់ច្បាស់ណាស់ថាវាគ្រាន់តែជាការសម្ដែង តែប៉ុណ្ណោះ។

ភាពយន្ត "First They Killed My Father” នេះបានសម្ពោធដាក់បញ្ចាំងនៅកម្ពុជាកាលពីខែកុម្ភៈ ហើយនឹងបញ្ចេញនៅលើ Netflix ទូទាំងពិភពលោកខែកញ្ញានេះហើយ៕