រឿង សោភ័ណ្ឌ៖ ថាកីឡាករជម្រើសជាតិគុនខ្មែរនឹងយកមេដាយបាននៅស៊ីហ្គេមនេះ

2017-08-04 08:21:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ពូកែប្រើកណ្ដាប់ដៃ រឿង សោភ័ណ្ឌ ថាគេជឿជាក់លើកីឡាករជម្រើសជាតិប្រដាល់គុនខ្មែរប៉ុន្មាននាក់នេះ ថានឹងយកមេដាយជូនប្រទេសកម្ពុជាបាននៅក្នុងព្រឹក្តិការកីឡាស៊ីហ្គេមលើកទី២៩ នៅប្រទេសម៉ាឡេស៊ីឆ្នាំ២០១៧នេះ។

កីឡាករ រឿង សោភ័ណ្ឌ

កីឡាករ រឿង សោភ័ណ្ឌ ប្រាប់ឲ្យដឹងថា បេក្ខភាពជម្រើសជាតិកម្ពុជានាពេលបច្ចុប្បន្ននេះ សុទ្ធតែខ្លាំងៗ ហើយពួកគេពិតជាមានសមត្ថភាព និងជាកីឡាករជួរមុខរបស់កម្ពុជា។ បើឲ្យនិយាយផ្ដោតលើកីឡាកររូបណានោះ រឿង សោភ័ណ្ឌ បន្ថែមទៀតថា ពិបាកនិយាយព្រោះពួកគេសុទ្ធតែជាជើងខ្លាំង ហើយស្នៀតប្រយុទ្ធគឺមានរៀងៗខ្លួន និយាយជារួមប្រហាក់ប្រហែលគ្នា ដោយគ្រាន់តែខុសប្រភេទទម្ងន់រៀងខ្លួនតែប៉ុណ្ណោះ។

កីឡាករជម្រើសជាតិគុនខ្មែរ

កីឡាករជម្រើសជាតិពេលទៅជួបសម្ដេច ហ៊ុន សែន

ចំពោះកីឡាករជម្រើសជាតិគុនខ្មែរដែលនឹងចេញទៅប្រកួតកីឡាស៊ីហ្គេមនៅប្រទេសម៉ាឡេស៊ីខាងមុខនេះមាន៥រូប ទី១កីឡាករ ម៉ឺន សុភា ទី២ មឿន សុខហ៊ុច ទី៣ ឃីម ឌីម៉ា ទី៤ ឡៅ ចិត្រា និងទី៥ វ៉ាន់ វឿន ហើយពួកគេនឹងចេញទៅនៅថ្ងៃទី២៥ សីហា៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង។

អត្ថបទ៖ នួន ស៊ីណា