Zidane ទម្លាយហេតុផលដាក់ Ronaldo ចូលក្នុងបញ្ជី Real ពេលប៉ះ Man Utd

2017-08-08 03:11:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេល Real Madrid កំពុងរៀបចំខ្លួនត្រៀមលេងទល់ Manchester United នៅពាន UEFA Super Cup ក្នុងសន្និសីទកាសែត លោក Zinedine Zidane បានប្រាប់ពីហេតុផលដែលបញ្ចូលឈ្មោះ Cristiano Ronaldo ក្នុងបញ្ជីរបស់ក្រុម។

បន្ទាប់លេចឈ្មោះ Ronaldo ក្នុងបញ្ជីកីឡាករត្រៀមលេងនឹងក្លឹបចាស់ Man Utd នៅយប់នេះម៉ោង១:៤៥នាទី បានធ្វើឲ្យអ្នកគ្រប់គ្នាភ្ញាក់ផ្អើលយ៉ាងខ្លាំង ព្រោះកាលលេង Pre-Season កន្លងទៅកីឡាករព័រទុយហ្គាល់មិនបានបានបង្ហាញវត្តមានម្ដងឡើយ។

ទាក់ទិននឹងការបញ្ចូលឈ្មោះនេះអ្នកចាត់ការបារាំងបាននិយាយថា៖ "អ្វីដែលធ្វើឲ្យខ្ញុំចាប់អារម្មណ៍ជាងគេនោះគឺ Ronaldo មានលក្ខណៈគ្រប់គ្រាន់ ដូចថ្ងៃប្រកួត Champions League អញ្ចឹង។ ពេល Ronaldo ចាប់ផ្ដើមជាមួយពួកយើងគឺមានន័យខ្លាំងណាស់ ហើយវាក៏មានន័យថា គេក៏ត្រៀមខ្លួនរួចរាល់ដើម្បីលេងយប់នេះដែរ យ៉ាងណាក្ដីពួកយើងចាំមើលទាំងអស់គ្នា។

UEFA Super Cup ជាពានមួយតម្រូវឲ្យជើងឯក Champions League និង Europa League ឆ្នាំមុនមកប្រកួតប្រជែងគ្នា។ សម្រាប់ Real Madrid ធ្លាប់ឈ្នះពាននេះ៣ដងរួចមកហើយ ឯ Man Utd ទើបតែលើកបានម្ដងគត់ និងរងជើងឯក២ដង៕

ចុចអាន៖

ប្រភព៖ Marca ប្រែសម្រួល៖ ហេង សុធារិទ្ធិ