មិនធម្មតា! កម្ពុជានឹងបង្កើតក្រុមហ៊ុនធំៗ នៅក្នុងតំបន់អាស៊ាន ត្រូវការបុគ្គលិកខ្មែរច្រើនរូប
- 2017-08-08 05:57:06
- ចំនួនមតិ 0 | ចំនួនចែករំលែក 0
មិនធម្មតា! កម្ពុជានឹងបង្កើតក្រុមហ៊ុនធំៗ នៅក្នុងតំបន់អាស៊ាន ត្រូវការបុគ្គលិកខ្មែរច្រើនរូប
ចន្លោះមិនឃើញ
ឧកញ៉ា សៀ ឫទ្ធី ស្ថាបនិកក្រុមហ៊ុន WorldBridge ដែលមានក្រុមហ៊ុនចំណុះរហូតដល់ ២៤ធំៗក្នុងប្រទេសកម្ពុជា បានប្រាប់មកកាន់ Sabay ថាលោកចង់ឱ្យក្រុមហ៊ុនខ្មែរហក់ចូលក្នុងតំបន់អាស៊ាន ក៏ដូចជានៅក្នុងពិភពលោក ហើយបច្ចុប្បន្ននេះបានចូលក្នុងតំបន់រួចរាល់ហើយ ដូចជាឡាវ ភូមា ថៃ សិង្ហបុរី និងបន្តចូលទៅក្នុងប្រទេសឥណ្ឌូណេស៊ី ហ្វីលីពីន បន្ថែមទៀតក្នុងការបង្កើតក្រុមហ៊ុនវិនិយោគនានា។ ជាពិសេសនោះគឺត្រូវការកម្លាំងពលកម្ម ដែលជានិស្សិតខ្មែរជាច្រើនរូបក្នុងការបំពេញការងារដ៏សម្បូរបែបនៅប្រទេសទាំងនោះទៀតផង។
ម្ចាស់គម្រោងអគារភ្លោះ The Bridge ខ្ពស់កប់ពពកនៅកោះពេជ្ររូបនេះ បានបន្តទៀតថា បច្ចុប្បន្ននេះនៅប្រទេសឡាវ បានប្រមូលទិញដីរួចហើយ ជាទីតាំងល្អអាចបង្កើតគម្រោងនានា ដូចជាវិស័យសណ្ឋាគារ វិស័យខុនដូរជាដើម។ ចំណែកឯប្រទេសភូមា លោកឧកញ៉ាមានគម្រោងអភិវឌ្ឍលើ វិស័យដឹកជញ្ជូន និងវិស័យអាហារ។
ពាក់ព័ន្ធនឹងគោលដៅសំខាន់ ចំពោះការបោះទន់វិនិយោគរាប់លានដុល្លារនៅក្រៅប្រទេសនេះ ឧកញ៉ា សៀ ឫទ្ធី បានសង្កត់ធ្ងន់ថា៖ "ខ្ញុំអត់ដែលចង់បានលុយពីប្រជាជនខ្មែរ ទេ អ្វីដែលខ្ញុំធ្វើគឺខ្ញុំចង់ស្រូបយកមូលធនពីប្រទេសជិតខាង ពីប្រទេសដទៃដើម្បីបានផលចំណូលមកប្រទេសកម្ពុជាយើង ពីព្រោះខ្ញុំស្រូបយកលុយតែពីប្រជាជនខ្មែរតិចអស់ហើយ យើងត្រូវតែចេះស្រូបយកពីប្រទេសគេ ដែលគេមានទីផ្សារធំជាងយើង។
ជាចុងក្រោយលោកឧកញ៉ា បានប្រាប់ថា និស្សិតខ្មែរអាចដាក់ពាក្យបាន ពីព្រោះក្នុងក្រុមហ៊ុនរបស់លោកបានប្រកាសជ្រើសរើសរាល់ថ្ងៃ និងជាច្រើនរូប ក្នុងនោះត្រូវការអ្នកគ្រប់គ្រងគម្រោង និងផ្នែកផ្សេងទៀត៕
ចុចអាន៖
[ឧកញ៉ា សៀ ឫទ្ធី ប្រាប់ឲ្យប្រជាពលរដ្ឋប្រុងប្រយ័ត្នរឿង ដី ផ្ទះ លក់ថោកៗពេញហ្វេសប៊ុក](http://news.sabay.com.kh/article/957995#utm_campaign=onpage]
គីម ហ៊ាង៖ ប្រាក់ខែត្រឹម ៣០០ឬ៤០០ដុល្លារមិនងាយមានទេ តែបើផ្នែកនេះត្រូវមួយក្ឌាំងមាន
ចង់ទិញផ្ទះគួរកុំមើលតែតម្លៃ ត្រូវមើល ៥ចំណុចនេះជាចម្បង ទើបមិនស្ដាយក្រោយ