លោកយាយសិង្ហបុរីវ័យ៨០ជាងហើយ តែទឹកដៃលេងហ្គីតា ក្មេងៗសុំខ្មាស

2017-08-08 06:59:10
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយជនជាតិសិង្ហបុរីម្នាក់ បានបង្ហាញទស្សនៈមួយទៅកាន់ពិភពលោកថា លើលោកនេះគ្មានអ្វីដែលយឺតពេលទេ ដើម្បីសម្រេចគោលបំណងជាចំណង់ចំណូលចិត្តយើង។

លោកស្រី Mary Ho គឺជាលោកយាយម្នាក់ដែលមានអាយុ ៨១ឆ្នាំ មានចៅ៧នាក់ និងមានសមត្ថភាពពិសេសអាចកន្ត្រាក់អារម្មណ៍ អ្នកគ្រប់គ្នាជាមួយហ្គីតារបស់ខ្លួន។

បើតាមការរៀបរាប់របស់វិបសាយ BBC បាននិយាយថា លោកស្រី Ho នឹងសម្ដែងនៅចំពោះ មុខមនុស្សរាប់ពាន់អ្នក នាសប្ដាហ៍នេះ ក្នុងឱកាសពិធីបុណ្យជាតិរបស់ប្រទេសសិង្ហបុរី។

ដោយឡែក វិបសាយ Straits Times វិញបានចុះផ្សាយថា លោកយាយអ្នកតន្ត្រីរ៉ក់រូបនេះ រៀនលេងហ្គីតានៅអាយុ ៦០ឆ្នាំ ដើម្បីបំពេញក្ដីស្រមៃតាំងពីក្មេង។

តាមប្រភពដដែលបាននិយាយទៀតថា ដំបូងឡើយលោកស្រី បានស្វែងរកគ្រូបង្រៀនលេងហ្គីតាម្នាក់ដែរ ប៉ុន្តែមិនបានជោគជ័យទេ ព្រោះគ្រូៗទាំងនោះគិតលើអាយុរបស់គាត់ ហើយម្យ៉ាងម្រាមដៃរបស់លោកយាយក៏មិនរហ័ស រវៀស ដែលជាបញ្ហាមួយមិនអាចរៀនហ្គីតាបាន។ យ៉ាងណាក្ដី លោកស្រី Ho មិនបោះបង់ដោយងាយៗទេ រហូតក្រោយមក គាត់រកបានគ្រូបង្រៀនម្នាក់តាមបំណង។

អ្វីដែលកាន់តែពិសេសនោះគឺ ក្រៅពីអាចលេងហ្គីតាបាន លោកស្រីថែមទាំងចេញអាល់ប៊ុមទោលផ្ទាល់ខ្លួនទៀត លើសពីនេះលោកយាយអាយុ ៨១ឆ្នាំរូបនេះក៏តែងបង្ហាញខ្លួនក្នុងការប្រគំតន្ត្រី តាមកម្មវិធីសប្បុរសធម៌មួយចំនួនទៀតដែរ។ រហូតមកទល់ពេលនេះ លោកយាយតន្រ្តីកររូបនេះ ក្លាយជាតារា YouTube ទៀតផង ហើយវីដេអូនីមួយៗរបស់គាត់មានអ្នកចូលមើលរាប់លានដងឯណោះ៕