ហុក សុចិត្រា ថា យ៉ាងច្រើន២ឆ្នាំទៀតកម្ពុជានឹងមានក្រុម Futsal ខ្លាំងៗ

2017-08-09 02:10:40
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហុក សុចិត្រា អតីតគ្រូបង្វឹក Futsal ជម្រើសជាតិកម្ពុជានាកំឡុងឆ្នាំ២០១២ បញ្ចេញទស្សនៈថា យ៉ាងច្រើន២ឆ្នាំទៀត កម្ពុជានឹងមានក្រុម Futsal ខ្លាំងៗ អាចប្រកួតប្រជែងជាមួយប្រទេសដទៃ។

លោក ហុក សុចិត្រា

ដោយមើលឃើញពីការរៀបចំព្រឹត្តិការណ៍ ប្រកួត Futsal ជាតិ (CLEAR NATIONAL FUTSAL CUP 2017) ធ្វើឲ្យអតីតគ្រូបង្វឹកជម្រើសជាតិ Futsal រូបនេះជឿថា កម្ពុជា នឹងងើបឡើងវិញនាវិស័យកីឡាដែលកំពុងពេញនិយមមួយនេះ។ ការបង្កើតព្រឹត្តិការណ៍ខាងលើ ពិតជាមានផលចំណេញច្រើនមែនទែនដល់ទិសដៅនៃការចាប់ផ្ដើមអភិវឌ្ឍន៍វិស័យ Futsal។

លោកបន្ថែមថា អ្វីដែលពិសេសអាចឲ្យអ្នកគាំទ្រយល់ដឹងកាន់តែច្បាស់ពីបច្ចេកទេសនៃការលេងកីឡានេះ ព្រមទាំងធ្វើឲ្យកីឡាករទទួលបានការណែនាំពីក្បួនច្បាប់កាន់តែច្បាស់។ ចំណុចសំខាន់បំផុតគឺកីឡាករទទួលបានបទពិសោធច្រើន ពីការប្រកួតដែលមានស្តង់ដារត្រឹមត្រូវ។

បើគិតត្រឹមពេលនេះព្រឹត្តិការណ៍ប្រកួត Futsal ជាតិ (CLEAR NATIONAL FUTSAL CUP 2017) បានដំណើរការចំនួនពីរសប្ដាហ៍ហើយ ដោយទីតាំងប្រកួតនៅទីលាន Blue Sport ៕

តារាងពិន្ទុគិតត្រឹមសប្ដាហ៍ទីពីរ