ឈិន ឈឿន ប្រាប់មូលហេតុបង្កើតក្រុមការងារ យុវជន និងកីឡា

2017-08-09 03:12:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជម្រើសជាតិកម្ពុជា ឈិន ឈឿន បានបង្កើតជាក្រុមការងារ យុវជន និងកីឡា (Youth and Football Team) ដើម្បីចែករំលែកបទពិសោធបាល់ទាត់ដល់យុវជននៅតាមបណ្ដាខេត្តនានា។

ឈិន ឈឿន បានបង្ហោះសារមួយនៅលើ Facebook របស់ខ្លួនដូច្នេះថា៖ “ដោយសារការស្រលាញ់តាំងពីរតូចរហូតមកដល់ពេលនេះ វាធ្វើអោយខ្ញុំមានក្ដីស្រមៃមួយ បានបង្កើតក្រុមយុវជន នឹងបាល់ទាត់ នេះឡើង សម្រាប់ក្រុមមួយនេះ គឺខ្ញុំបានធ្វើវា ដោយការស្រលាញ់ លះបង់ ចេញពីចិត្ត មិនដែលគឺថាចង់បានផលប្រយោជន៍អ្វីនោះទេ ទៅវិញនេះ គឺចង់ឃើញប្អូនៗ យុវជន ប្អូនៗនៅតាមសាលារៀន ដែលមានការខ្វះខាត សម្ភារៈសិក្សា សម្ភារៈកីឡា នឹងផ្នែកបាល់ទាត់។ វាជាការជំរុញលើកទឹកចិត្តប្អូនៗ ដើម្បីមានអនាគតដល់ល្អ និងយុវជនល្អសម្រាប់ប្រទេសជាតិយើង(ស្នាមញញឹម ជាកម្លាំងចិត្តខ្ញុំ )”។

កាលពីពេលកន្លងទៅនេះ ក្រុមការងារ យុវជន និងកីឡាខាងលើបានចុះទៅដល់ខេត្តប៉ៃលិន និងបានចូលទៅសាលារៀនផ្សេងៗនៅទីនោះ ដើម្បីជាការចែករំលែកនិងផ្ដល់ជាគន្លឹះខ្លះៗទាក់ទងបាល់ទាត់៕