Apple ទំនងបញ្ចប់ជីវិត iPhone ត្រកូល S នៅឆ្នាំ ២០១៧ នេះ
- 2017-08-11 01:36:18
- ចំនួនមតិ 0 | ចំនួនចែករំលែក 0
Apple ទំនងបញ្ចប់ជីវិត iPhone ត្រកូល S នៅឆ្នាំ ២០១៧ នេះ
ចន្លោះមិនឃើញ
Apple រំពឹងនឹងដាក់បង្ហាញ iPhone ចំនួន ៣ ម៉ូដែលនៅខែកញ្ញាខាងមុខ ដោយរួមមាន iPhone 7s/7s Plus និង iPhone 8។ ផ្ទុយពីការលើកឡើងនេះ លោក John Gruber អ្នកសរសេរប្លុកមួយរូបបាននិយាយថា គ្មានផ្លូវទេដែល Apple នឹងហៅទូរសព្ទ iPhone ជំនាន់ថ្មីថា 7S។
ការលើកឡើងបែបនេះ ក៏ដោយសារលោកសង្កេតឃើញរូបភាពបែកធ្លាយកន្លងទៅនៃទូរសព្ទ iPhone មានការផ្លាស់ប្ដូរច្រើនធំធេងពេក ជាកត្តាធ្វើឲ្យ Apple ទំនងមិនដាក់លក់ iPhone តម្លៃថោកឡើយ។ ជាទូទៅ iPhone ត្រកូល S មានការវិវត្តតិចបំផុតធៀបនឹងត្រកូលធម្មតា ដូចការបង្ហាញ iPhone 6s បើធៀបតួខ្លួនជាមួយ iPhone 6 គឺដូចគ្នាបេះដាក់តែម្ដង ហើយមិនមានការផ្លាស់ប្ដូរអ្វីច្រើនឡើយ។
ជុំវិញការប្ដូរឈ្មោះ iPhone ជំនាន់ក្រោយ Gruber ជឿថា អាចជា iPhone 8, iPhone 8 Plus ឬ iPhone 8 Pro និងម្យ៉ាងទៀតអាចជា iPhone Plus ឬ iPhone Pro ប៉ុន្តែមិនមែនត្រកូល S ទៀតឡើយ។
ពិតប្រាកដបែបណានោះ យើងនឹងបានដឹងទាំងអស់គ្នានៅអំឡុងខែកញ្ញាខាងមុខ។