ឧកញ៉ាស្រី ចាន់ថន ឧបត្ថម្ភ ៥០០$ ម្នាក់ ដល់កីឡាករគុនខ្មែរចេញទៅស៊ីហ្គេម

2017-08-11 06:38:15
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកថ្ងៃទី១១ ខែសីហា ឆ្នាំ២០១៧ លោកឧកញ៉ា ស្រី ចាន់ថន បានធ្វើពិធីជួបជុំ និងសំណេះសំណាលជាមួយកីឡាករប្រដាល់ជម្រើសជាតិគុនខ្មែរទាំង៥រូប និងបានជួយឧបត្ថម្ភទឹកប្រាក់ម្នាក់ ៥០០$ សម្រាប់ចេញទៅស៊ីហ្គេម ២០១៧នេះ។

ឧកញ៉ា ស្រី ចាន់ថន

ឧកញ៉ា ស្រី ចាន់ថន បានឲ្យដឹងថា ដោយកីឡាករជម្រើសជាតិគុនខ្មែរនឹងត្រូវចេញទៅប្រកួតនៅព្រឹត្តិការណ៏ ស៊ីហ្គេម លើកទី២៩ នៅប្រទេសម៉ាឡេស៊ីនេះ លោកក៏រៀបចំពិធីជួបជុំពិសាអាហារសាមគ្គីមួយដើម្បីជាការលើកទឹកចិត្តដល់កីឡាករទាំង ៥រូបនេះ និងផ្ដល់មតិយោបល់មួយចំនួនដើម្បីជាការត្រៀមចេញទៅផងដែរ។ ក្រៅពីជួបជុំ និងពិសាអាហារនោះលោកឧកញ៉ា ក៏បានឧបត្ថម្ភជាទឹកប្រាក់ចំនួន ៥០០$ ដល់កីឡាករម្នាក់ៗ និង ១០០០$ ដល់សហព័ន្ធប្រដាល់គុនខ្មែរដើម្បីប្រើប្រាស់បន្ថែមនៅស៊ីហ្គេម នេះផងដែរ។

ឧកញ៉ាក៏បានផ្ដាំផ្ញើដល់កីឡាករទាំងអស់ឲ្យខំប្រឹងប្រែងប្រកួត និងត្រូវអនុវត្តន៍តាមច្បាប់ក៏ដូចជាគោលការណ៍ដែលគេបានចែងនៅពេលប្រកួត និងរក្សាកិត្តិយសឲ្យបានល្អ ព្រោះទៅនេះគឺប្រកួតតំណាងឲ្យប្រទេសជាតិ។

កីឡាករជម្រើសជាតិគុនខ្មែរ

គូបញ្ជាក់ដែរថា ចំពោះពិធីជួបជុំ និងសំណេះសំណាលនេះមានការចូលរួមពីលោកឧកញ៉ា ស្រី ចាន់ថន ម្ចាស់ក្រុមហ៊ុន Skyland និងជាអនុប្រធានសហព័ន្ធប្រដាល់គុនខ្មែរ និងឯកឧត្ដម តែម ម៉ឺន ប្រធានសហព័ន្ធប្រដាល់គុនខ្មែរ រួមនិងគ្រូបង្វឹកជម្រើសជាតិ កីឡាករ ម៉ឺន សុភា មឿន សុខហ៊ុច ឃីម ឌីម៉ា ឡៅ ចិត្រា និង វ៉ាន់ វឿន៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕

ចុចអានអត្ថបទបន្ដ៖

កីឡា៦នេះកម្ពុជារំពឹងបានមេដាយមាស ចុះកាល២០១៥ប្រទេសណាម្ចាស់មេដាយមាសខ្លះ?

ភ្លេចៗត្រចៀកថ្ងៃនេះអ្នកប្រដាល់ជើងខ្លាំងផ្នែកសកលរបស់កម្ពុជាវិលត្រលប់ពីថៃហើយ

អត្ថបទ៖ នួន ស៊ីណា