ទង្វើ១ដ៏ផ្អែមល្ហែមរបស់ Tae Hee ធ្វើដាក់ប្ដី គេច្រណែន Rain គ្រប់គ្នា!

2017-08-16 03:54:33
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីកូរ៉េមុខស្រទន់មានមន្តស្នេហ៍ Kim Tae Hee ត្រូវបានចាត់ទុកថាជាភរិយាដ៏ឧត្ដម ដែលចេះយល់ទុក្ខធុរៈស្វាមី ពេលកំពុងមមាញឹកនឹងការងារជាច្រើន។

កាយវិការដ៏គួរឲ្យរំភើបនេះ បានបង្ហាញឡើងច្បាស់កាលពីពេលថ្មីៗនេះ នៅពេលដែលភរិយារបស់ Rain រូបនេះ ផ្ដល់នូវការគាំទ្ររឿងថ្មីរបស់ Rain ដោយបានបញ្ជូនឡានកាហ្វេទៅកាន់កន្លែងថតរឿងនោះ។

លើសពីនេះ នាងមិនមែនផ្ញើជូនតែចំពោះប្ដីជាទីស្រឡាញ់ទេ តែក៏សម្រាប់តួសម្ដែងផ្សេងទៀត និងក្រុមការងារទាំងមូលដែរ។ ជាមួយគ្នានោះ ភ្ជាប់មកជាមួយឡាន ក៏មានសារមួយឃ្លារបស់ Kim Tae Hee ដែរ ដោយបានសរសេរថា៖ "អ្នកទាំងអស់គ្នាប្រឹងប្រែងធ្វើការណាស់ ក្នុងអំឡុងពេលរដូវក្ដៅនេះ។ ជូនពរទាំងតួសម្ដែង និងក្រុមការងារទាំងអស់ សូមមានកម្លាំងមាំមួនរហូតការងារចប់សព្វគ្រប់”។

នេះជាសន្ដានចិត្តល្អបំផុតរបស់តារាស្រីរូបនេះ ហើយនាងក៏ជាឧត្ដមភរិយាដ៏គួរឲ្យស្រឡាញ់របស់កំពូលតារាប្រុសកូរ៉េ Rain ដែរ។ អ្នកគាំទ្រតែងលាន់មាត់ថា តារាប្រុសរូបនេះ ជាមនុស្សប្រុសដែលមានសំណាង ដែលមានភរិយាប្រកបដោយចរិយាមារយាទប្រពៃបែបនេះ ហើយធ្វើឲ្យប្រុសៗដទៃទៀតច្រណែននឹងជោគវាសនារបស់ លោកមិនតិចទេ៕

ចុចអាន៖

ប្រភព៖ Koreaboo ប្រែសម្រួល៖ យី សុធារី