មកមើលទិដ្ឋភាពទាំងស្រុងភូមិគ្រឹះតម្លៃ ៥,៨លានដុល្លាររបស់ Miley Cyrus ទើបនឹងទិញ!

2017-08-16 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងវ័យ២៤ឆ្នាំ Miley Cyrus ទើបតែទិញភូមិគ្រឹះលក្ខណៈស្រុកស្រែមួយកន្លែងតម្លៃ ៥,៨លានដុល្លារ ដែលមានទីតាំងនៅស្រុកកំណើតរបស់នាង ក្រុង Franklin រដ្ឋ Tennessee សហរដ្ឋអាមេរិក។

តារាចម្រៀង Miley Cyrus

Miley សព្វថ្ងៃកំពុងរស់នៅរដ្ឋ Los Angeles ហើយក៏មានគម្រោងទុកភូមិគ្រឹះរបស់នាងនៅទីនោះដែរ ដោយមិនបានប្រកាសលក់ទេ។

សម្រាប់ភូមិគ្រឹះថ្មីនេះ Miley បានរៀបចំឯកសារទិញតាំងពីចុងខែកក្កដាមកម្ល៉េះដែលជាភូមិគ្រឹះមានទីធ្លា ១៣,៣៥ហិកតារឯណោះ។

ភូមិគ្រឹះនេះគឺមានទំហំជាង ៦៥០ម៉ែត្រការ៉េ ដែលមានបន្ទប់គេងចំនួន៥ បន្ទប់ទឹកខ្នាតធំចំនួន៤ និងខ្នាតតូចចំនួន២។ មិនត្រឹមតែប៉ុណ្ណោះភូមិគ្រឹះនេះក៏មានកន្លែងចតឡានចំនួន ៣ និងអាងហែលទឹកដ៏ធំមួយផងដែរ។

Miley Cyrus និងគូដណ្ដឹង Liam Hemsworth

បើគិតត្រឹមពេលនេះ Miley Cyrus កាន់កាប់ភូមិគ្រឹះចំនួន ៣កន្លែងហើយ ដែល១មានទីតាំងនៅ Malibu រដ្ឋ California តម្លៃ ២,៥លានដុល្លារនិងមួយកន្លែងទៀតនៅ Hidden Hills ក្រុង Los Angeless តម្លៃ ៥លានដុល្លារ៕

តោះ! អីចឹងមកមើលទិដ្ឋភាពភូមិគ្រឹះនេះទាំងអស់គ្នា!